© My Klaskamer – idees en gedagtes uit 'n juffrou se pen

Afhangende van die ouderdomsgroep, kan ‘n mens verskeie idees probeer.

• Lees die woord en bou die woord dan met los kaartjies – een-vir-een.
• Skryf die woorde met ‘n swart veselpen en lees dit saam.  Plaas ‘n papier bo-op en laat die outjie dit natrek.
• Vou ‘n vel papier in die helfte (in die lengte) en dan weer om sodoende ag gelyke blokke te maak. Laat die outjie dan ‘n woord in elke blok skryf en maak ‘n duplikaat.  Sny die blokke op en speel ‘n geheuespel waar al die kaarte onderstebo is en dan twee op ‘n slag om gedop word. As dit ‘n paar is, hou dit of dop dit weer om as die kaarte ‘n onpaar is.
• Maak ‘n waaier met een stel kaarte, trek ‘n kaart – lees dit, hou toe en probeer dit hardop uitklank. Gaan deur al die woorde op dieselfde wyse. As die woord reg is, sit dit eenkant. Indien die woord verkeerd gespel is, hou dit in die waaier.  Gebruik dieselfde gedagte om ook die woorde te skryf.
• Maak weer ‘n groot vel met blokke en trek die gunstelingpotlode nader. Skryf die woorde in verskillende kleure – een per blok. Indien die woord “illustreerbaar” is, teken ‘n prentjie by.
• Gebruik ‘n witbord veselpen om die woorde op ‘n plastieksakkie, op ‘n spieël of ‘n gladde teël na te trek.

Tik gerus soekterme soos “spelgoggas, spellys, dubbelklank, tweeklank, drieklank, verkleinwoord, meervoud, sigwoord, flits…klanke, hersien” by die bruin soekblokkie aan die regterkant in vir soortgelyke idees.

Woordsoeke [Engels en Afrikaans]