Daar is vandag heelwat afslag op produkte beskikbaar. Loer gerus 🙂
Blou Maan
Oktober 28, 2020
Afslag
Oktober 6, 2020
Redenaars 2021
September 23, 2020
afrikaans redenaars Lewer kommentaar
Die 2021-temas is bekend:
Huistaal Graad 1 tot 3
- Kaalvoet
- Wonder
- Fees
Huistaal en Addisionele Taal Graad 4 en 5
- Letters
- Voetspore
- Voel
- Kaalvoet
- Wonder
- Fees
Huistaal en Addisionele Taal Graad 6 en 7
- Toekoms
- Liefhê
- Afronding
- Letters
- Voetspore
- Voel
Huistaal en Addisionele Taal Graad 8 en 9 (Voorbereid)
- Lees
- Instinktief
- Seine
- Toekoms
- Liefhê
- Afronding
Huistaal en Addisionele Taal Graad 10 tot 12 (Voorbereid)
- Murg
- Alternatief
- Erodeer
- Lees
- Instinktief
- Seine
Taaldag, 14 Augustus
Augustus 11, 2020
afrikaans Koop 'n Boek, taaldag Lewer kommentaar
Taaldag vind jaarliks op die 14de Augustus plaas. Dit is ‘n dag waarop jy ekstra aandag aan Afrikaans – as taal – kan skenk. Besoek die Taalmuseum of Taalmonument aanlyn en kom meer oor die geskiedenis van Afrikaans te wete.
Taaldag Woordsoek
Olifantdag, 12 Augustus
Augustus 10, 2020
afrikaans olifant, wilde diere Lewer kommentaar
Olifantdag fokus op die bewaring en versorging van olifante. Waarom is dit belangrik en hoe kan ons ‘n bewustheid skep? Dink aan verskillende idees of gesels daaroor terwyl julle op takies en kunsvlyt fokus.
- Gom die bladsy op karton of druk dit op karton. Sny die kop en bek van die olifant uit. Steek jou hand in ‘n ou sokkie (duim in die hak en vingers regop). Plak die dele op die sokkie vas.
- Druk ‘n olifantvingerpop uit en pons ‘n gat vir die slurp. Steek jou vinger deur. Indien die kop groot genoeg is, kan jy ‘n trompettertjie deur die gat glip.
- Takie met getalle 1 tot 20.
- Maak ‘n olifantkaartjie.
- Teken ‘n olifant.
- Teken verskillende olifante na of kleur hulle in.
- Trek ‘n doolhof na.
- Verskeie idees.
- Druk olifantflitskaarte (naamkaarte).
- Olifante: Les 1, Les 2, Les 3
Madibadag 2020
Julie 16, 2020
2020, afrikaans gemeenskapsdiens, Madiba, Nelson Mandela, omgeepsdiens Lewer kommentaar
18 Julie is Madibadag – ‘n dag waarop ons minstens 67 minute aan gemeenskapsdiens kan wy. Hoe kan jy onbaatsugtige hulp aan ander bied of aanmoedig? Dit sal vanjaar ietwat moeiliker wees om uit te reik, maar wat kan jy onder die huidige omstandighede doen?
- Maak maskers vir ander. Kan jy 67 maskers maak?
- Versamel en versprei droë rantsoene (bv. droë boontjies, meel…). Kan jy 67 pakkies skenk?
- Kan jy 67 persoonlike higiëne produkte (toiletware) versamel en skenk (bv. koekies seep, tandeborsels)?
- Kan julle 67 kledingstukke insamel en skenk (bv. skoene, warm sokkies)?
- Kan jy 67 kryte aan ‘n skooltjie of behoeftige kinders skenk?
- Kan jy 67 saadjies in aparte houers plant om later aan ander te skenk?
- Brei 67 rytjies elk om ‘n kombers of ‘n serp vir iemand anders te maak.
- Sny lap in 67cm x 67cm blokke om warm blokkieskomberse te maak.
- Maak 67 komberse deur as ‘n klas verskillende komberse (en/of kussingslope) te knoop.
- Vleg ou lap en vra iemand om ‘n matjie te stik.
- Maak slaapmatte uit plastieksakke of stroke plastieksakke.
- Weef slaapmatte uit ou t-hemplap.
- Kan elkeen ‘n geldjie afstaan (60c, 70c, R6,70 of R67) en skenk?
- Speel woordeskatspeletjies wat rys as punte skenk. Kan jy 67 woorde korrek kies?
Onthou dat jy nie alles binne 67 minute hoef te doen nie. Dit is slegs ‘n goeie beginpunt. 😉
Corona en Covid-19
Mei 26, 2020
2020, afrikaans Corona, COVID-19, virus Lewer kommentaar
- Afrikaans: Corona velle
- English: Corona sheets
- Was Hande
- Badkamer muurkaarteLaai Af
- Maskerpatroon (met ‘n ruitjie) – om kommunikasie te vergemaklik.
Oaky se gratis stories (vele tale) (song)
Tik gerus ook soekterme soos higiëne by die soekblokkie aan die regterkant in.
Kontak ‘n dokter om meer inliting te bekom. Mediese personeel sal kliniese inligting kan deel.
Pay it Forward, Onbaatsugtigheid
April 19, 2020
2020, afrikaans onbaatsugtigheid, pay it forward Lewer kommentaar
Dis een van die dae Onbaatsugtigheidsdag – ‘n dag waarop ‘n mens ekstra deernis teenoor jou medemens kan toon sonder om ‘n teenreaksie te verwag.
‘n Mens sal vanjaar baie vindingryk moet wees, maar dink aan maniere om jou medemens te help sonder om die insluitings- of grendeltydreëls te oortree.
Skakel gerus organisasies of instansies wat dalk van behoeftes in jou area sal weet en hoor wat die riglyne tans is. Is daar mense wat eensaam is en ‘n oproep sal waardeer? Maak kontak met kennis en hoor hoe dit gaan.
Elders versier mense die vensters wat aan die straat grens ter ondersteuning en bemoediging van noodpersoneel en ander. Probeer gerus ‘n paar van hierdie idees:
- Plak maskeerband om verskillende geometriese blokke te maak en verf die blokke met ‘n mengsel wasbare akrielverf en skottelgoedwasmiddel. Wissel die kleure af en verwyder die maskeerband sodra die verf droog is. ‘n Mens kan natuurlik ander boodskappe en prente ook verf.
- Teken kleurvolle prente met bordkryt op sementtrappe of die inrit.
- Sny kleurvolle harte uit en rangskik dit in die venster – in ‘n raampie of in ‘n boog.
- Verf ou koerantvelle – elkeen in ‘n aparte helder kleur. Sny elke vel in eenderse stroke op en maak papierkettings om in julle ruit te hang.
- Versier die motordeur indien dit binne die grenslyne van die erf is.
Loer gerus na moontlikhede wat aanlyn beskikbaar is of wat ‘n mens tydens die grendeltydperk kan begin om na die tyd te volbring.
Alle voorspoed!
Leer Tuis (Skoolsluitings)
Maart 15, 2020
2020, afrikaans aanlyn uitstappies, Corona, COVID-19, interaktiewe kaarte, museum, selfstudie, tuis oefeninge, tuisonderrig, wêreldkaarte 1 Kommentaar
Vir die komende weke het velerlei Engelse webblaaie heelwat werk GRATIS beskikbaar gestel. Vind hiermee dan enkele idees:
- Gratis departementele werkboeke (- ook Boek 2 van 2020).
- Gratis departementele leesboeke (sluit ander in).
- Lees ‘n boek, ‘n gedig, lirieke…
- Clarkness laat jou toe om gratis, eenvoudige stories op ‘n foon, tablet of rekenaar te lees.
- FREE eBook Library (Biff, Kipper and Chip)
- Letterland (Gratis toegang tot aktiwiteite en stories.)
- Sny ‘n bladsy uit ‘n ou tydskrif of ‘n artikel uit ‘n ou koerant.
- Hoeveel woorde met drie letters/klanke kan julle omkring?
- Hoeveel woorde met die volgende klanke onderskeidelik – kan julle omkring?: aa, ee, oo, uu, ie, ei, ou, eu, ui, oe, aai, ooi, eeu, oei...? (In ‘n Engelse tydskrif of koerant: oo, ee, ea, ai, ay, oi, oy, oa, ow, oe, ou, ew, aw, au, ui, ue, igh, ie, ei…)
- Lys die woorde op verskillende bladsye in ‘n boek en kyk of die outjie elkeen kan illustreer. Kan julle ‘n beskrywende sin vir sommige woorde skryf?
- Magneetletters of Scrabble-letters: Bou 4 woorde uit elke lys – een-vir-een. As jy Scrabble-letters gebruik, tel elke woord se punte op. Watter woord tel die meeste in elke lysie?
- As jy nie Scrabble– of magneetletters het nie, sny groot letters uit dosies soos papbokse en hou dit gereed vir woordbou takies.
- Druk ‘n gratis 2020-Kalender uit. Dui die dag se weerstoestande en temperatuur in die onderskeie blokkies aan en skryf daaroor.
- Druk GRATIS woordsoeke in Afrikaans en Engels uit.
- Bou ‘n fort uit komberse.
- Speel bordspeletjies.
- Bak koekies.
- Bou legkaarte. As jy nie legkaarte tuis het nie, sny prente uit ou tydskrifte op. Hou die stukke in ou koeverte of sakkies.
- Week jouself in ‘n borrelbad.
- ‘n Klomp skakels na GRATIS Engelse opsies.
- Scholastic Learn at Home (BookFlix: Gebruikersnaam: Learning20 | Wagwoord: Clifford) Kindergarten, Grades 1/2, Grade 3-5, Grade 6+
- Vorms: Soek soortgelyke vorms in jou huis en teken dit op die blaaie waar hulle inpas.
- ‘n Wiskunde storie oor ‘n sambreel en apies.
- Tel die voëls in die tuin. Hoeveel hop? Hoeveel eet?
- Sny herwinbare papier in stroke en maak ‘n ketting. Kan die outjie die ringe self kram of met kleeflint bind?
- Teken ‘n prent of skryf ‘n brief vir ‘n maat, familielid of onderwyser. Vra ‘n ouer om ‘n foto elektronies te stuur – aangesien ons nie tans seëls of koeverte wil lek nie.
- Story: What is the Corona Virus?
- Kuns: Gebruik klei of waterverf
- Gebruik verskillende Lego-stukke om in dikkerige verf of ink te doop. Druk dit soos stempels om prente te bou. Soek sommer allerhande proppies, doppies of speelgoed om te betrek.
- Het jy verf oor? Druk verskillende kleure in verskillende bakkies van ‘n ysbakkie, steek ‘n stokkie (oorstokkie, roomysstokkie, takkie) in elke bakkie en vul met water. Vries tot hard. Plaas ‘n vel papier op ‘n skinkbord of ‘n bakplaat en verf met die blokkies daarop.
- Plaas ‘n vel papier onder-in ‘n diep, plastiese houer of ‘n vlak dosie. Spuit dikkerige verf in lyne of kringe bo-oor die papier. Plaas ‘n albaster in die houer en beweeg die houer deur die kante heen en weer te swaai of te kantel. Laat die velle droog word en hou dit vir geskenkpapier later.
- Wetenskap idees
- Story Time from Space
- ‘n Groot verskeidenheid Engelse stories: Luister en lees saam
- Luister na velerlei gratis stories.
- Loer daagliks na die seekoei se eskapades.
- Besoek museums aanlyn (nog ‘n paar)
- Besoek parke
- Besoek ‘n plaas
- Verken wêreldkaarte – asook Suid-Afrikaanse inligting
- Bathroom Posters, Badkamer Muurkaarte
- GoNoodle – wikkel en beweeg.
- LO tuis
Loer gerus na Gratis opsies hier en tik gerus ook soekterme soos “klanke, hersien, flitskaarte, sigwoorde, syfers, sinne en paragrawe, stories, liedjies, rympies, leestekens, knip, lees, leeslys, leesreekse, biblioteek, boekmerk, e-boek…, app… herfs, Paasfees…tuis idees, studietegnieke, vraestelle, ATP, CAPS…Engels” by die bruin soekblokkie hier aan die regterkant in vir verskeie idees en skrywes.
Ek hoop dit kan help.
Loer gerus na die “skrikkerige peper” eksperiment en die idees in verband met higiëne.
Pi Dag
Maart 9, 2020
afrikaans Pi dag, wiskunde Lewer kommentaar
Pi Dag is op die 14de Maart. Die jonger grade weet nog nie wat dit is nie. Probeer gerus om tydens die komende week op allerlei ander wiskundige aspekte te fokus. Loer gerus dié week na toeps (Android, iPad, ‘n bietjie van beide) en webwerwe soos A+ Click, Math Seeds en IXL. Die volgende skakels dek vorige inskrywings hier in My Klaskamer.
Water Week / Earth Hour
Maart 5, 2020
2020, afrikaans earth hour, water Lewer kommentaar
Praat gerus oor waterbesparing, die gebruike van water, die belangrikheid van water en waarom skoon water so belangrik is. Waar en wanneer gebruik ons dit? Wie gebruik water en kan ons daarsonder?
Plant ‘n Spekboom of twee. Wat van ‘n heining of ‘n rytjie al langs die skool se grensdrade langs? Is daar waterbronne om skoon te maak (bv. spruite, rivierwalle, ‘n strandgebied)?
Earth Hour is vanjaar op die 28ste Maart.
Bepaal dalk ‘n tydperk waar ‘n mens by die dag by die skool kan vier. Skakel die ligte af, skakel die elektronika af en raai die outjies aan om lanterns, kopligte of flitsligte te bring. Gebruik die uur om boeke te lees, bordspeletjies te speel of om tyd aan kuns en kunsvlyt te spandeer.
Hoe maklik of moeilik is dit om sonder elektroniese toebehore of elektrisiteit te wees?
Boekedag en Biblioteekweek
Maart 3, 2020
afrikaans biblioteek, biblioteekweek, boeke, Boekedag Lewer kommentaar
Wêreld Boekedag is vanjaar op die 5de Maart en die Suid-Afrikaanse Biblioteekweek sal van die 16de tot die 22ste duur.
Dink aan ‘n tema vir Biblioteekweek, bv. Skatte, Sprokies, ens. Stal al die boeke wat by die tema inpas uit en lees soggens ‘n stukkie uit ‘n boek voor vir ‘n reg-raai kompetisie.
Vra opvoeders om hul gunstelingsprokies, ens. te noem en hou ‘n kompetisie om te kyk of die kinders die opvoeder en boeke bymekaar kan pas.
Versier die gange en klasdeure volgens die tema.
Hou ‘n leesmiddag en trek volgens die tema aan.
Nooi gaste (bekendes, ouers, besigheidsmense…uit die gemeenskap) om boeke aan die kinders voor te lees.
Besoek naburige tehuise om boeke aan die inwoners voor te lees.
Maak kontak met buurskole om boeke daar voor te lees of skryf briewe vir mekaar. Hou julle van dieselfde boeke? Watter karakters is jul gunstelinge?
Biblioteke verskil van plek-tot-plek. Hoe verskil die dorp se biblioteek van die skoolbiblioteek? Gaan lê besoek af en loer gerus 🙂
Stories op die Internet, Leeslyste, Stories in verskeie tale, Elektroniese Boeke, Boekmerkies
Epilepsie
Februarie 10, 2020
Moedertaaldag
Februarie 4, 2020
Moedertaaldag word internasionaal op die 21ste Februarie gevier. Op dié dag vier ons elkeen se unieke moedertaal.
Loer gerus na vorige skrywes en idees deur op die onderstreepte woorde hier bo te klik.
Luidleesdag, 5 Feb.
Januarie 27, 2020
2020, afrikaans, lees lees, luidleesdag 1 Kommentaar
Luidleesdag is vanjaar op die 5de Februarie. Maak spesiale boekmerkies vir die jaar se lekker leestye of neem verskeie leesboeke op hierdie leeslyste uit en rangskik dit op ‘n interessante wyse in jou leeshoekie. ‘n Nuwe uitstalling sal beslis die nuuskierigheid prikkel.
Lees elektroniese boeke, rympies of lirieke. Luister na stories op die internet, oor die foon of na die voorlesing deur ‘n maat. Nooi verskillende graadvlakke om vir mekaar te lees of betrek selfs ouers en verskillende onderwysers om minstens ‘n periode lank ‘n boek saam te geniet.
Tik gerus ook soekterme soos flitskaart, sigwoord, lees, boeke, biblioteek, taaldag… by die soekblokkie aan die regterkant in vir soortgelyke idees.
Lekker lees!
A fresh new school year
Januarie 14, 2020
Gereed vir die nuwe skooljaar
Januarie 11, 2020
2020, afrikaans, klaskamer 2020, dekor, klaskamer, tema Lewer kommentaar
Iemand het onlangs idees gevra oor die aanvullende dekor idees in die klaskamer. Vind hiermee dan so ‘n paar idees vir die nuwe skooljaar.
Gaan staan in die middel van jou klas en kyk na die uiteensetting van die banke of tafels en meubels. Besluit of elkeen goed kan sien en met gemak kan beweeg voordat jy aan die dekor dink.
Heelwat onderwysers hou van ‘n natuurtema wat met insekte, blomme of ‘n woud te make het. Dink aan ‘n kleurskema wat daarby sal pas – soos ‘n sagte groen en verskillende skakerings daarvan. Jy sal jou tema jaarliks kan verander – van die onderskeie insekte (bv. bye, lieweheersbesies…), na diere in die woud (bv. ‘n vos, ‘n beer, ‘n krimpvarkie, ens.), na uile, kabouters, feëtjies en blomme.
Indien jy self die mat kan kies, kan ‘n mens beslis iets dienliks kies om die stowwerigheid en kolle te verbloem of dalk na iets soos fopgras (sagte, kamma-gras of groen matte) loer. Indien jy groot rubber teëls kies, kan ‘n mens kyk na gepaste kleurskemas. Hardeware winkels verkoop swart teëls, maar ‘n mens kan dit met kleurvolle rubber teëls elders afwissel. Dit vee vinnig skoon.
Loer ook na moontlikhede soos die groot klitsgraskolle (velcro) wat aan die mat sal kleef. Jy kan dit lig en rondskuif om sitplekke aan te dui en om struwelinge op die mat te vermy.
Indien jou klas houtvloere het, kan ‘n mens groot vinyl-kolle plak waar elkeen op die vloer sal sit. Jy kan ook vinyl-vorms met die hand of met ‘n Cricut-masjien sny. Wat van vorms wat by jou tema pas – soos die insekte, paddastoele en blomme? As jou dakligte te helder is, kan jy ‘n plastiese bedekking met magnete bo-oor aanbring. ‘n Mens kry verskillende prente en temas aanlyn.
‘n Kollega het ‘n ou boomstomp in stoelhoogte stompe op gesaag en wieletjies aan gebring. Dit word nou as ekstra sitplek in sy klas gebruik. Watter alternatiewe (en sakpas) moontlikhede is daar in jou omgewing?
As jy van blou hou, kan ‘n mens iets soos vliegtuie, lugballonne, wolke, seevaart of die see betrek. Hang mandjies met toue aan papierlanterns van verskillende groottes om lugballonne te maak of omskep dit in kleurvolle visse.
Vir ‘n seetema, kan ‘n mens helder dakligte met seegroen of blou lap bedek. Steek silhouette van seediere bokant die lap in vir ‘n interessante effek. Maak jellievisse uit papierlanterns en hang linte van verskillende diktes onderaan. Versprei die visse regoor die plafon of hang dit voor, nader aan die venster.
Bind ‘n ou swemspons (pool noodle) in ‘n groot ring en plak dit met sterk kleefband vas. Draai wit, blou en rooi wol of tou om die ring totdat die spons verberg is en versier verder om ‘n reddingsboei vir ‘n seevaarttema te maak. Maak soortgelyke opsies en hang elkeen in die middel van ‘n venster of teen jou deur.
Saag ou stompe of houtpale in verskillende lengtes. Bind dit met rou tou vas as ‘n klasversiering of draai groot emmers en blikke in soortgelyke tou (van bo tot onder) toe. Sit ‘n neutrale kussing bo-op die deksel (bv. vlootblou) om stoel-stoorplek kombinasies te maak. Jy kan hiérdie tipe sitplekke ook met kratte of buitebande maak.
Besoek gerus tweedehandse winkels of vra kennisse om eers met jou te gesels voor hulle meubels weg maak. ‘n Mens kan altyd ou stoele, koffietafels en rakke verf of aanvanklik met ‘n lappie bedek.
In terme van gordyne, kan ‘n mense seker gordyne koop. Jy kan ook repe lap om ‘n gordynstok knoop of stroke kleurvolle net uit blikke laat hang – soos verf wat daaruit stroom. Hou aspekte soos privaatheid en ‘n helder son in gedagte as jy die tipe lap kies. Moet jy toe maak of kan jy die lig in laat?
Klik gerus hier onder vir ‘n paar GRATIS items en loer ook na die skakels in die skrywes heel onder. Daar is heelwat ander moontlikhede.
2020-Kalender (Afrikaans/Engels) A4 (A3)
Naamkaartjies: Volstruis, Olifant, Uiltjies, Bytjies
Sien ook: Pasella (Gratis klasreëls, naamkaarte…), Eerste dag, ‘n Nuwe skooljaar (dinge om te doen aan die begin van die jaar), “Welkom Terug” idees…
Stuur gerus foto’s van jou klasdekor en ek sal dit hier plaas met erkenning: remediering@hotmail.com.
Ekstra afslag
Januarie 9, 2020
Kry 10% afslag van 9 tot 16 Januarie 2020 deur teacha10 by die ‘coupon code‘-blokkie in te tik en klik dan op ‘apply coupon‘.
Juffer
Woorde