Advertisements
Tuiste

Speeldag

1 Kommentaar


speel28 Mei is Wêreld Speeldag.  Pak vandag (Vrydag/Maandag) ekstra apparaat vir water-, fantasie- en sandspel uit.  Maak speelgoed vir sandspel (verf en versier wasgoedpennetjies, bottelproppies of selfs spoelklippies), deel IF/SF kinders (en onderwysers) by Grondslagfase klasse as maats in en staan ‘n periode (of lang pouse) aan gerigte spel en vaardighede (balgooi, balansering, touspring, ens.) af.  Die kinders mag dit dalk geniet om ‘n mentor te hê of te wees.

Advertisements

Jeugdag

Lewer kommentaar


jeugMaak dit ‘n positiewe ervaring en laat die outjies drome en ideale uitbeeld. Skryf dalk sinsnedes soos “Met harde werk, kan ek eendag ‘n ….word.” op die bord. Elkeen gee sy ideale beroep (plak dalk ‘n handgeskrewe flitskaart in die spasie) en Juffrou of Meneer neem dan ‘n foto van hom / haar daarby.  Slagspreuke soos “Ek kan ‘n verskil maak” – met klein omgee aksies daarby en “Ek is die toekoms van my land”, kan ook werk.
Druk die foto’s groot op A4-velle uit (al is dit swart en wit) en plak dit net so in die gange op of trek die bewoording met pastelle en bordkryte na.  Speel die foto’s op ‘n skyfievertoning in die saal of plaas dit op die skool se webtuiste.

Skryf opstelle met soortgelyke tema’s, dateer dit en plaas dit in ‘n “tydkapsule” om eendag in Graad 12 oop te maak.

‘n Mens kan altyd kinderbeskermingsweek ook hierby betrek. Gesels net eers met die skoolhoof oor jou idees.

Afrikadag

Lewer kommentaar


afrikadag

Watter aspekte van die kontinent gaan ons vandag bewonder?  Hoeveel unieke en mooi foto’s kan ons opspoor?  In watter lande is dit geneem?  Weet jy waar op die kontinent hierdie lande is?  Wat is hul hoofstede?  Maak byskrifte vir die Afrikakaart en benoem die lande.  Onthou om die foto’s daarby aan te bring.

54

Afrikadag

Vadersdag

Lewer kommentaar


This slideshow requires JavaScript.

‘n Mens kry deesdae heelwat gebruike vir paletplankies.  Waarom dan nie ‘n geskenkie vir Pa nie?

  • Saag ‘n lengte in korter dele op en sorg dat daar ‘n gedeelte van sowat 5 – 8cm ekstra is. Gom die kort stukkie loodreg aan die onderpunt van die plankie en kap met spykertjies vas sodra die gom slegs klewerig in plaas van loperig is.  Knip die woord Pa* (pa dad) netjies en versigtig uit en plak dit met ‘n gomstiffie bo-aan die plankie. Hierdie papierwoord gaan slegs tydelik hier verskyn.  Kap nou klein spykertjies ewe diep al op die buitelyn van die woord in, sodat die woord selfs sonder die papiergids herkenbaar sal wees.  Sodra jy tevrede is, kan jy die papier los wikkel en ‘n bietjie water gebruik as dit lol.  Wikkel en weef nou borduurgare of bruin verpakkingstou (“twine”) kruis en dwars tussen die spykertjies om die letters in te kleur.  ‘n Mens kan mens ‘n lussie oor of om ‘n spyker begin en ook so eindig.  Smeer gom of kleurlose naellak op die knopie om dit te versterk.

Trek ‘n sigsagpatroon met ‘n potlood en kap spykertjies op die omdraaipunte, sodat ‘n mens sleutels of dasse daaraan kan hang en ‘n selfoon op die rakkie kan laat lê.

Draai die rakkie om en skroef ‘n koeldrankringetjie bo, in die middel of aan die hoekie vas.

  • ‘n Mens kan twee plankies loodreg, in die lengte vasplak – óf soos ‘n T in die middel van een plank, óf aan die rand.  Gebruik dan die bokant van die T of die plat kant as die vooraansig.  Kap spykertjies vir hangplek hierop vas.  As jy die rakkie nou teen die muur ophang, gaan daar ‘n rakkie vir die selfoon agter die vooraansig wees – met hangplek vir dasse en jasse voor.

Skroef koeldrankringetjies agter die rakkie vas.

Hierdie plankie is lank genoeg sodat jy die woord Pa* aan die linkerkant kan aanbring en dan ander spykertjies aan die regterkant kan versprei.

  • Spuit skeerroom op ‘n stuk foelie.  Drup voedselkleursel daarop en trek lyne kruis en dwars met ‘n stokkie daardeur.  Druk ‘n vel papier bo-op of selfs ‘n dun plankie.  Gebruik die bladsy as geskenkpapier of skroef hakkies by die plankie in vir dasse en sleutels.

vadersdagfathersday

*’n Mens kan die plankie ook vir ‘n oom of ‘n oupa maak.  [Oom Oupa]

 

 

Tik gerus ook soekterme soos “vadersdag” by die bruin soekblokkie aan die regterkant in vir vorige idees.

Boeliegedrag / Bullebakkery

4 Kommentaar


  1. Hoe bemagtig ek my kind?
  2. Verskeie oogpunte
  3. Afknouery
  4. ‘n Voorbeeld van ‘n Boeliebeleid 1, 2, 3
  5. LO Graad 5-les
  6. Wat is ‘n Kuberboelie?
  7. Wat is ‘n Kuberboelie?
  8. Sosiale Media en Kuberboelies
  9. ‘n Artikel (bl.13)
  10. ‘n Artikel (LitNet)
  11. ‘n Artikel
  12. Beskerm jouself
  13. Pak die boelie by die horings
  14. Navorsing 1
  15. Navorsing: In die werksplek
  16. Moontlike leesboeke
  17. How full is your bucket?
  18. The Berenstain Bears And The Bully 
  19. How to Beat the Bully Without Really Trying
  20. Die Boelie
  21. Die Anti-Boelie-Masjien, Fase 13
  22. Hoezit-riglyne
  23. Internasionale Anti-Boelieweek

Leerder Dissipline en Skoolbestuur

boantihowbbhowbully

Wêreld Oseane Dag

Lewer kommentaar


oseanedag

Op die 8ste Junie vier ons Wêreld Oseane Dag.  Vanjaar se tema is Gesonde Oseane, Gesonde Planeet. Fokus op die see en omgewingsbewaring.

Maak groot muurprente om gangmure te bedek en vul dit met gesonde en besoedelde seetonele.  As julle naby die see is, maak die strand as ‘n klas of skool skoon.  Nooi die gemeenskap en kyk of daar ‘n manier is om die rommel te herwin.

Resepte

Lewer kommentaar


peuselresepte

Eenvoudige bederfies en peuselresepte vir die jongspan…Ons gebruik hierdie resepte nou en dan in die klas.

resepte

Older Entries

%d bloggers like this: