© Hierdie blog is onderhewig aan kopiereg. Geen hergebruik sonder toestemming.
Oktober 5, 2020
2020 onderwysersdag 3 Kommentaar
‘n Voorspoedige Onderwysersdag vir jou! Mag dit ‘n besonderse suksesvolle dag wees en mag jy kans kry om jou tee of koffie te drink terwyl dit nog warm is 🙂
September 23, 2020
2020 Erfenisdag Lewer kommentaar
Daar is ongelooflik baie om op trots te wees en baie dinge wat ons kan vier en herdenk op Erfenisdag.
Watter museums of monumente is daar in jul omgewing? Hoe het die dorp of stad ‘n honderd, twee honderd of selfs drie honderd jaar gelede gelyk? Wat het intussen by gekom? Hoe lyk die oudste wonings in julle omgewing en waarom is dit so gebou? Het julle van die nasional embleme sigbaar in die skool of in die dorp waar julle woon?
Wie het met die stigting van jul skool gehelp en waarom het hulle die prentjies op die skoolwapen gekies? Wat maak hierdie stukkie geskiedenis en erfenis so uniek?
Wie is jou voorgangers en voorsate? Waarom hou julle gereeld op sekere plekke vakansie? Wie het hierdie tradisies begin? Watter geregte geniet julle as gesin en as familie? Deel gerus die resepte met die klas of klasmaats.
Teken gerus prente van die dinge wat vir jou spesiaal is of skryf daaroor.
Mag julle ‘n mooi Erfenisdag hê 🙂
September 8, 2020
2020 Juffer, My klaskamer 6 Kommentaar
Baie dankie vir jou volgehoue ondersteuning. Loer gerus weer in 🙂
September 1, 2020
2020, lees boek, boekweek, geletterdheid 2 Kommentaar
Vanjaar se SA Boekweektema is Passport to Tomorrow. Hulle vier ook ‘n dekade van boekbetowering. Betrek gerus die gedagte van reis of betowerende sprokies tydens hierdie dae en geniet die wegbreekkansie.
Die Internasionale Geletterdheidsdag val in die middel van die SA Boekweek – op die 8ste September. Gebruik dié besonderse dag om sommer ekstra boeke te lees. Maak ‘n lysie van al die klanke, sigwoorde of leesboeke wat julle vanjaar bemeester het en stel doelwitte vir die geletterdheidswerk wat julle graag nog wil bespreek.
Tik gerus soekterme soos “lees, klanke, boekmerk, boek, leeslys, leesreeks, gratis leesboeke…Engels, flitskaart, sigwoord…” by die soekblokkie aan die regterkant in vir vorige jare se idees.
Lekker lees!
Augustus 28, 2020
2020 bome, boom, boomplantdag, Lente Lewer kommentaar
Tradisioneel vier ons Boomplantdag op die 1ste September. Vanjaar se Bome van die Jaar is die Essenhout (Ekebergia Capensis Cape Ash) en die Kremetart Bome (Adansonia Digitata).
Vanjaar gaan dit dalk moeilik wees om fisies self blomme te plant en bome te versorg. Neem gerus ‘n organisasie wat die natuur versorg in ag vir ‘n fondsinsamelingsprojek. Loer gerus hier na idees in verband met Lente.
Mag September met warmer en meer kleurryke dae begin.
Augustus 13, 2020
2020 bye, heuningby, insek Lewer kommentaar
Ons vier Heuningbydag vanjaar op 15 Augustus. Kom gerus meer oor heuningbye te wete en ook waarom hulle beskerm word. Byeboerdery is baie interessant, gewild en waardevol.
Julie 21, 2020
2020, hulpmiddels CAPS, DBE, KABV, reënboogboeke, werkboek Lewer kommentaar
Die tweede werkboek is nou aanlyn beskikbaar. Klik gerus op die onderskeie skakels om die boeke af te laai indien die skool nie ‘n eksemplaar beskikbaar het nie. Die boeke mag nie verkoop word nie en word GRATIS deur die onderwysdepartement verskaf.
Ou EAT-boeke is hier beskikbaar en verskeie ander jare se (interaktiewe) werkboeke is hier te vinde. Laasgenoemde sluit ‘n skakel na wiskunde antwoorde in. Die eerste werkboeke van 2020 kan jy hier aflaai.
Grade R Book 3Julie 16, 2020
2020, afrikaans gemeenskapsdiens, Madiba, Nelson Mandela, omgee, omgeediens Lewer kommentaar
18 Julie is Madibadag – ‘n dag waarop ons minstens 67 minute aan gemeenskapsdiens kan wy. Hoe kan jy onbaatsugtige hulp aan ander bied of aanmoedig? Dit sal vanjaar ietwat moeiliker wees om uit te reik, maar wat kan jy onder die huidige omstandighede doen?
Onthou dat jy nie alles binne 67 minute hoef te doen nie. Dit is slegs ‘n goeie beginpunt. 😉
Julie 10, 2020
Mei 27, 2020
2020 beskerm, kinderbeskermingsweek Lewer kommentaar
Dit is Kinderbeskermingsweek. Gesels gerus met die outjies oor veiligheid in die gemeenskap en veiligheid tuis. Gesels oor die noodnommers en veiligheidsmaatreëls wat julle kan volg. Onder huidige omstandighede, kan ‘n mens ook veiligheidsmaatreëls in terme van die COVID-19 virus bespreek.
Mei 26, 2020
2020, afrikaans Corona, COVID-19, virus Lewer kommentaar
Meer muurkaarte
Nog muurkaarte en inligting
Tik gerus ook soekterme soos higiëne by die soekblokkie aan die regterkant in. Iemand het ‘n idee gehad dat jy soggens ‘n stempel op elkeen se hande druk en kyk of dit nog daar is teen die middag – as almal gereeld hande (korrek) gewas het.
Kontak ‘n dokter om meer inligting te bekom. Mediese personeel sal kliniese inligting kan deel.
April 19, 2020
2020, afrikaans onbaatsugtigheid, pay it forward Lewer kommentaar
Dis een van die dae Onbaatsugtigheidsdag – ‘n dag waarop ‘n mens ekstra deernis teenoor jou medemens kan toon sonder om ‘n teenreaksie te verwag.
‘n Mens sal vanjaar baie vindingryk moet wees, maar dink aan maniere om jou medemens te help sonder om die insluitings- of grendeltydreëls te oortree.
Skakel gerus organisasies of instansies wat dalk van behoeftes in jou area sal weet en hoor wat die riglyne tans is. Is daar mense wat eensaam is en ‘n oproep sal waardeer? Maak kontak met kennis en hoor hoe dit gaan.
Elders versier mense die vensters wat aan die straat grens ter ondersteuning en bemoediging van noodpersoneel en ander. Probeer gerus ‘n paar van hierdie idees:
Loer gerus na moontlikhede wat aanlyn beskikbaar is of wat ‘n mens tydens die grendeltydperk kan begin om na die tyd te volbring.
Alle voorspoed!
April 19, 2020
2020 aarde, aarde dag Lewer kommentaar
Vanjaar val Aarde Dag so in die middel van die grendeltydperk. Hoe gaan ‘n mens dan nou in jou huis op hierdie dag fokus?
Kyk na gebruike in die huis en moontlike vermorsings. Kan ‘n mens sekere items dalk eerder herwin, herverbruik of in ‘n komposhoop begrawe?
Sny ou papbokse as legkaarte op, gebruik blikke as stelte of gebruik ou telefoongidse om skrif op te oefen (lekker groot letters dwars-oor die kolomme).
Plant sade of plantjies in ou blikkies en maak steggies in glasflesse groei. Jy kan jou eie groentetuintjie begin.
Gebruik flesse en herbruikbare bakke om kos te bêre – eerder as om herhaaldelik sakkies te koop. Het ‘n mens telkens ‘n servet nodig of kan ‘n natlappie werk?
Waarheen loop die gryswater in julle huis? Is daar omgewingsvriendeliker maniere om die huis skoon te maak eerder as om sterk chemikalieë te gebruik?
Hou vir ‘n paar dae dop hoeveel goed in die vullisdrom beland en beraam dan ‘n plan 🙂
April 10, 2020
2020 afstandsonderrig, leer tuis Lewer kommentaar
Google Classroom en SeeSaw werk tans goed vir my outjies. Die skool het seker gemaak dat al die InterSen leerders ‘n e-pos adres het waarmee hulle by Google Classrooms kan aansluit. Elkeen van my ouer graadgroepe het ‘n eie Google klaskamer en ons maak afsprake om in die groep se Google Meet-funksie te gesels. Jy kan hierdie funksie in jou instellings aanskakel. Sodoende sal die outjies op die skakel in die klaskamer se hofie kan klik om kontak te maak.
Indien jou skool die Google-pakket gebruik, kan jy ook Google Meet-gesprekke in die e-pos afdeling begin of ‘n vinnige boodskap deur Google Hangouts stuur – ‘n meer informele klets opsie.
SeeSaw laat my toe om opdragte aan sekere kinders te stuur of om inligting met sekere graadgroepe te deel soos nodig. Ek neem videos op en laai op waar nodig of deel dokumente om tuis uit te druk.
Zoom is ‘n ander platform waarmee jy groepe of individue kan nooi om by ‘n gesprek aan te sluit. Gesprekke kan met ‘n wagwoord beskerm word. Haak ‘n Osmo-spieëltjie oor jou skootrekenaar se kamera en deel só werk wat jy op ‘n witbordjie of papier verduidelik.
Wat werk vir jou?
Maart 30, 2020
2020, Graad 1, Graad 2, Graad 3, Graad R flitskaarte, huiswerk, hulpmiddels, werksvelle Lewer kommentaar
Alle produkte is slegs aanlyn beskikbaar.
Sodra die betaling deur gaan, kan jy die items begin uit druk.
Toets gerus eers met die GRATIS produkte.
Meer GRATIS idees is hier in MyKlaskamer.com beskikbaar. Loer na die inhoudsopgawe aan die regterkant en tik gerus soekterme soos die volgende by die soekblokkie aan die regterkant vir verskeie idees in:
Taal:
Wiskunde
Ander onderwerpe:
Maart 19, 2020
2020 DBE, FAL, huistaal, werkboeke, wiskunde 64 Kommentaar
Die departementele werkboeke is GRATIS en mag nie verkoop word nie. Nie al die boeke is tans op die Onderwysdepartement se blad beskikbaar nie. Loer gerus hier en hier na ouer werkboeke.
Maart 15, 2020
2020, afrikaans aanlyn uitstappies, Corona, COVID-19, interaktiewe kaarte, museum, selfstudie, tuis oefeninge, tuisonderrig, wêreldkaarte 1 Kommentaar
Vir die komende weke het velerlei Engelse webblaaie heelwat werk GRATIS beskikbaar gestel. Vind hiermee dan enkele idees:
Loer gerus na Gratis opsies hier en tik gerus ook soekterme soos “klanke, hersien, flitskaarte, sigwoorde, syfers, sinne en paragrawe, stories, liedjies, rympies, leestekens, knip, lees, leeslys, leesreekse, biblioteek, boekmerk, e-boek…, app… herfs, Paasfees…tuis idees, studietegnieke, vraestelle, ATP, CAPS…Engels” by die bruin soekblokkie hier aan die regterkant in vir verskeie idees en skrywes.
Ek hoop dit kan help.
Loer gerus na die “skrikkerige peper” eksperiment en die idees in verband met higiëne.
Maart 5, 2020
2020, afrikaans earth hour, water Lewer kommentaar
Praat gerus oor waterbesparing, die gebruike van water, die belangrikheid van water en waarom skoon water so belangrik is. Waar en wanneer gebruik ons dit? Wie gebruik water en kan ons daarsonder?
Plant ‘n Spekboom of twee. Wat van ‘n heining of ‘n rytjie al langs die skool se grensdrade langs? Is daar waterbronne om skoon te maak (bv. spruite, rivierwalle, ‘n strandgebied)?
Earth Hour is vanjaar op die 28ste Maart.
Bepaal dalk ‘n tydperk waar ‘n mens by die dag by die skool kan vier. Skakel die ligte af, skakel die elektronika af en raai die outjies aan om lanterns, kopligte of flitsligte te bring. Gebruik die uur om boeke te lees, bordspeletjies te speel of om tyd aan kuns en kunsvlyt te spandeer.
Hoe maklik of moeilik is dit om sonder elektroniese toebehore of elektrisiteit te wees?
Februarie 28, 2020
2020 spellyste, Spelwoorde, WOW Lewer kommentaar
Die WOW Spellyste word deur die Universiteit van Stellenbosch op gestel. Dit is op ‘n uitdagingsvlak.
Vorige jare se lyste is hier beskikbaar. Sien ook die ATKV Spelathon.
Volg die skakel en klik dan op die prente of flitskaarte.
Getalle vir beginners
Apps Sing saam
Lees gerus
Juffer
© My Klaskamer - idees en gedagtes uit 'n juffrou se pen 
Woorde