Ek het gevind dat die meerderheid kinders worstel met omkerings (spieëlskrif) en lettergreepverdeling. Dit is natuurlik ‘n veralgemening, maar as ‘n mens so deur hul boeke blaai…word die veralgemening ‘n werklikheid.
Die volgende omkerings vind baie plaas:
-
b / d / p / 9 (verwarring van rigting wanneer die simbool uit geken word)
-
u / n (verwarring van rigting wanneer die simbool uit geken word)
-
t / j
Dan kry ons ook die volgende vervangings of verwarrings:
-
h / j
-
m / n
-
f / v
In uitsonderlike gevalle verwar kinders ook b en w. Hierdie is egter (soos h / j) ‘n ouditiewe diskriminasie uitval.
b / d (ook van toepassing op b / d/ p / 9)
Vir hierdie verwarring is ‘n groot hoeveelheid visuele diskriminasie oefeninge nodig. Byvoorbeeld:
-
soek die b of d in die ry langsaan
-
watter prentjie begin met ‘n b of d?
-
watter prentjie begin nie met ‘n b / d nie?
-
omkring die woord wat met ‘n b / d begin
-
soek die b / d in die koerant artikel, tydskrif opskrif, ensovoorts
Taktiel (voel):
-
maak ‘n lang, dun, opgestopte skrifslang en buig dit in die vorm van die klanke
-
vorm die klank met klei
-
skryf die klank in sand – met die vinger
-
skryf die b met jou vinger teen ‘n boom se stam
-
skryf die d met jou vinger op die deur
-
doop jou vinger in water en skryf die klanke op sement of teen die bord
-
voel oor die klanke op ‘n robotkaart
-
maak dus ‘n vergroting van die klank
-
plak ‘n groen kol waar die klank begin en ‘n rooi kol waar dit eindig
-
b begin bo en d begin in die draai
-
-
lê op die mat en probeer om die letter met die lyf te vorm
-
staan en vorm die letters met die liggaam
Ouditief (gehoor):
-
noem drie woorde en vra “wat hoor jy eerste?”…bos, bak, buk…of…das, dek, dit
-
noem ‘n paar woorde op en vra aan die kind om ‘n spesifieke gebaar te maak as die woord met b of d begin (steek hand op, snap vingers, knip oë, ens.)
f en v
Hierdie is een van die “gewildste” verwarrings. Dit is egter makliker om te remedieer as baie van die ander verwarrings. Na aanleiding van ‘n paar opgemaakte reëls, oorkom heelwat kinders die uitval.
f
-
flamink is die enigste voël (waaraan ons kan dink) wat met ‘n “f” begin. Ons teken gewoonlik ‘n strepie in sy nek en siedaar! Sy kop en nek vorm sommer ‘n “f”.
-
Dinge wat stukkend of verniel beteken soos fyn, flenters, fraaiings, frommel…(*)
-
Dinge waaraan ‘n mens kan vat of wat ‘n mens kan sien – mensgemaak – soos fabriek, fiets, flits…(*)
-
Dinge wat ‘n mens kan wees soos fraai, flou, fier, familie…(*)
-
Aan die begin, einde of in die middel van woorde
v
-
Dinge wat vlieg of vinnig is soos vlieg, vlerk, vuurpyl, vuur (brand vinning), vlam, vlooi, viool (speel vinnig anders slaap ek)
-
Dinge wat met my lyf te make het soos vel, vingers, voete, vryf
-
Dinge wat met diere – veral plaasdiere – te doen het: soos vark, vul, vee, vos, vleis, volstruis, voer, vreet
-
As ‘n woord met “ver” begin, skryf ek altyd v-e-r.
-
Nooit aan die einde van woorde nie.
Tik “b en d” of “omkering” by die soekblokkie in vir nog idees.
Nikita
Mei 25, 2009 @ 15:06:31
Wat dink jy van visuele geheue of slegs net geheue in die algemeen. Ek dink as kinders se geheue verbeter word dan gaan hulle dalk die klanke ook beter onthou. Ek kan nie nou so vinnig dink nie, is daar toetse om geheue te “toets”? Ek het net gisteraand daaroor gewonder, ek’s besig met ‘n opdrag wat Woensdag moet in wees oor SEN en het nogal gewonder watter invloed die geheue kan speel as mens baie op geheue fokus. Ek maak baie gebruik van assosiasies om dinge te onthou en is geneig om iets aan ‘n assosiasie te koppel waar ek kan, dit werk nogal goed meeste van die tyd… of om patrone vas te le/uit te wys.
LikeLike
Nikita
Mei 25, 2009 @ 15:07:42
PS: Ek dink my eerste kommentaar het in jou spam beland agv die links 🙂
LikeLike
Alta Scholtz
Mei 31, 2012 @ 16:46:00
Hallo daar
Ek maak rubberstempeltjies wat die Grondslagfase juffrouens graag by die outjies se werk druk wat herhaaldelik foute maak met die b, d en p. Die juffrou kan maar haar eie storie oor balspele opmaak:
b begin bo bons d dribbel n draaI p plons in die poel
Groete
Alta Scholtz
TOOLS FOR TEACHERS AND SCHOOLS
Sel: 083 462 8822
LikeLike
juffer
Mei 31, 2012 @ 20:29:45
Dankie, Alta :Wink: Ek gebruik my stempels elke dag! :Wink:
LikeLike
Chandré
Jun 09, 2012 @ 18:23:02
Waarmee kan mens die lang, dun, opgestopte skrifslang mee maak. En +- hoe groot?
LikeLike
juffer
Jun 10, 2012 @ 07:48:43
Môre, Chandré 😉 Dit moenie te dik gestop wees nie – anders buig dit moeilik. Kyk of jy ‘n strook materiaal van so byna ‘n meter het en maak die slang 4 – 6 cm breed. Dan kan ‘n mens dit makliker buig en vorm 😉
LikeLike
Chandré
Jun 11, 2012 @ 12:41:57
Ag baie dankie. Ek tans ‘n 2de jaar student in Bloemfontein. En die site red baie keer my lewe met al die idees. Baie dankie!!!!!!!!!!!!!!
LikeLike
juffer
Jun 12, 2012 @ 16:36:06
😉 Dis ‘n plesier, Chandré! Kom loer gerus in en vra indien jy hulp benodig.
LikeLike
Xanika
Jun 19, 2012 @ 12:10:20
My laaitie is al in Graad 5 en verwar nog F en V!
LikeLike
juffer
Jun 19, 2012 @ 19:51:32
😉 Ai, Xanika 😉 Dan moet ons maar van vooraf begin.
LikeLike
Sophia Theunissen
Jul 29, 2012 @ 16:22:55
Hi ek is by n Graad R klas en begin solank met klankerkenning. Die f/v is wonderlik. Kan jy idees gee vir die d/b. Baie dankie. Sophia
LikeLike
juffer
Jul 29, 2012 @ 18:31:06
Middag, Sophia 😉 Loer gerus hier.
LikeLike
Alfrieda
Mei 23, 2016 @ 11:13:44
Ons graad 1 juffrou leer die kinders… b. Die bobbejaan spring uit die boom uit en maak n vooroor bommelakisie. En mens skryf mos links om. So d. Hardloop om doe dam op tot by die huis en weer terug tot by doe dam. My kind onthou dit nogal mooi
LikeLike
cacofonix123
Aug 12, 2012 @ 14:42:46
Ek wil graag hoor of daar ‘n spelreël vir y, ei en ui is, asook hoe om die ouditiewe “h” en “j” verwarring op te los.
My een vriendin, Annegrethe) het die oulike raad gegee met “b”. Eers die “b”-eentjie wat die “b”-alletjie skop. Die “d” is die donkie se lyfie wat daarna die nek het, anders staan hy verkeerd-om! En “p” vir papegaai wat die stertvere is. Letters kyk altyd in die rigting waartoe ons lees, so enige “gesiggies” kyk daartoe.
9 is ‘n syfer.Syfers kyk altyd terug. Grootoog nege vra vir die ander of hulle ok is.
Hoop dit help
LikeLike
juffer
Aug 13, 2012 @ 19:44:36
Hallo, Cacofonix123 😉
Dit is moeilik om die onderskeie klanke aan die kleintjies te verduidelik en om ‘n spelreël oor te dra. Ons het so ‘n paar riglyne vir onself uit gewerk: lang y is dikwels in “lang goed” (rys, pyl, myl) en liggaamsverwante woorde (lyf, hy, sy, byt, vyf – vingers…). Ons teken die prente en skryf die assosiasies daarby. Teken ‘n mannetjie en las byskrifte soos “skryf, wys, vyf” by die hande by.
Die e in ei het ‘n plat strepie en jou lippe is ook platter of meer reguit as jy dit gebruik. ‘n Trein het ‘n reguit/plat spoor nodig, vleis word in/op ‘n plat spoor gebraai…As jy ‘n hard gekookte eier in ‘n kelkie sit, lyk dit amper soos ‘n e…
ui se u lyk soos ‘n bakkie…Jy druk ‘n “bakkie”/duik in nat sand met jou tuin en duim. Jy gooi suiker in ‘n bakkievormige teekoppie, grawe ‘n gat in die tuin om ‘n boom te plant en stoot plante binne-in ‘n diep kruiwa.
So speel ons met prente assosiasies en maak ons seker dat die uitspraak dieper is as ons die ui gebruik. Kyk of dit vir julle kan werk.
Hier is nog so ‘n idee of twee vir b/d verwarrings en syfers 😉
LikeLike
Johan
Apr 22, 2013 @ 11:10:05
Hi daar! Ek’s al oud en getroud en woon tans in New Zealand. Ek leer my kinders Afrikaans lees en skryf, en gister vra my kind vir my wanneer gebruik mens ‘n F en wanner gebruik mens ‘n V. Ek is seker daar was ‘n reël maar kan glad nie onthou nie. Groete!
LikeLike
Juffer
Apr 22, 2013 @ 17:23:43
Middag, Johan 😉 Loer gerus na hierdie reëls en dan is daar ook ‘n werksvel of twee onder die “drukbares” hofie 😉 Kom loer gerus weer in!
LikeLike
Monique
Mei 19, 2013 @ 22:45:12
Halo halo. ek is ‘n derdejaar student aan Tukkies en moet in een van my vakke ‘n taak doen waar ek na ‘n link moet verwys van ‘n speletjie of tutoriaal in my spesifieke vak (Afrikaans graad 4). kan enige iemand my dalk help asb. sal vreeslik waardeer word.
LikeLike
Juffer
Mei 20, 2013 @ 18:31:58
Middag, Monique 😉
Wat is die onderwerp of waaroor gaan die spesifieke les (bv. lees, spelling, begripslees…)? Ek fokus hoofsaaklik op remediëring en Grondslagfase-werk. As jy my werk wil aanhaal kan jy http://www.juffer.wordpress.com gebruik. Vir nóg webtuistes, kan jy na Mnr. Vermeulen se blog, thinking caps en think online loer (skakels is hier aan die regterkant gelys).
Laat weet gerus 😉
LikeLike
Louise
Mar 31, 2014 @ 14:00:34
Hi Daar
Ek help ‘n Graad 5 engelse leerling met Afrikaans – EK het hulp nodig 🙂
Een word … een begrip … waar begin ek?
LikeLike
Juffer
Apr 04, 2014 @ 15:29:36
Middag, Louise 😉 Lê die klanke en sigwoorde vas, skryf sinne, lees kort begripstukkies en kyk na die spelreëls. Hier op my blog, kan jy soekterme soos “lees, sigwoord, flits, klanke, hersien, verkleinwoord, woordsoort” by die bruin soekblokkie aan die regterkant in tik vir idees.
LikeLike
Chrissie
Mei 27, 2014 @ 20:22:58
Baie oulik uiteengesit. Gaan dit defenitief probeer.
LikeLike
Juffer
Mei 27, 2014 @ 20:32:11
Kom loer gerus weer in, Chrissie 😉
LikeLike
Hendra
Mei 27, 2014 @ 20:56:47
Hoe kan jy n graad 2 kind se ouditiewe geheue verbeter?
LikeLike
Juffer
Jun 01, 2014 @ 13:38:11
Middag, Hendra 😉 Probeer gerus hierdie oefeninge en indien dit nie binne twee weke ‘n verskil maak nie, kan ‘n mens ‘n gesoute spraak- en taalterapeut raadpleeg vir raakvat idees.
LikeLike
Christelle Buys
Aug 14, 2014 @ 14:05:37
Goeie dag. Baie dankie vir bogenoemde inligting. Ek wil graag weet of jy dalk vir my enige idee het oor hoe om die ei en y spelreël vir graag 1 tot 3 kinders aan te leer.
LikeLike
Juffer
Des 14, 2014 @ 00:58:12
Kan hierdie skrywe dalk help, Christelle? 😉
LikeLike
Chanté
Jun 20, 2017 @ 20:29:58
Goeie naand. Ek sukkel om ‘n leerder te help met assossiasies vir die y. Ek het die wenke toegepas van die ei en nou ken hy net dit. Asseblief kan iemand my spoedig help?
LikeLike
Juffer
Jun 20, 2017 @ 20:52:31
Hallo, Chanté 😉
Die “lang” y assosieer ek sommer met “lang goed” – soos ‘n lyf, die potlood as ek skryf, ‘n wynglas se steel, vyf lang vingers, ry ‘n lang pad…
en dan gebruik ons dit as ons van mense praat: hy, jy, sy, my. Dit hang natuurlik af van die graadvlak, maar hierdie idees sou wonderlik vir die Grondslagfase kon werk.
LikeLike
Gail
Mar 25, 2018 @ 21:28:56
Baie leersaam. Baie dankie
LikeLike
Juffer
Mar 25, 2018 @ 22:06:46
Dankie, Gail 😉 Loer gerus weer in.
LikeLike
Lindie
Apr 20, 2020 @ 16:22:36
Ek is baie dankbaar en sê geweldig dankie vir hierdie hulpbronne gedurende die inperkingstyd. Ons mammas wat nie juffrouens is nie het nuwe waardering vir julle onnies gekry. Baie dankie xxx
LikeLike
Juffer
Apr 20, 2020 @ 16:24:49
Hallo, Lindie 🙂
Dis ‘n groot plesier.
Die meeste idees hier op my blad is gratis. Loer gerus ook na die inhoudsopgawe en die hofies bo-aan, soos “Drukbare Bladsye”.
Kom loer gerus weer in.
LikeLike
Natasha
Apr 24, 2020 @ 08:36:27
Graad 1 Afrikaans asb
LikeLike
Juffer
Apr 24, 2020 @ 13:33:00
Hallo, Natasha 😉
In Graad 1, fokus die outjies heelwat op die ontwikkeling van hul kennis van klanke, woordbou, ens. Ek het verskillende skrywes en idees in verband daarmee. Loer gerus na die hofie ‘Drukbare Bladsye’.
Tik gerus soekterme soos ‘abc skryf, sigwoord, flitskaarte, dubbelklank, tweeklanke, drieklanke, hersien, klanke, robotkaart, skrif, Engels, stories, liedjies, rympies, e-boek, toeps, app, voor en na, meer en minder, wiskunde huiswerk, bewerkingstekens, woordsom…’ onderskeidelik by die soekblokkie aan die regterkant in.
Aan die regterkant van My Klaskamer, is ‘n inhoudsopgawe. Klik gerus daar op die skakels onder Perseptuele Ontwikkeling en Skrif (nie lopende skrif nie). Kyk na die eerste ses skakels onder Klanke – asook punt 8 en 9. Daar is verskeie skakels vir rympies, liedjies, stories en heelwat Wiskunde konsepte laer af.
Dit is meestal Gratis werk.
Ek hoop dit kan help.
LikeLike