© Hierdie blog is onderhewig aan kopiereg. Geen hergebruik sonder toestemming.
Februarie 21, 2022
afrikaans Pi dag, wiskunde, wiskunde dag Lewer kommentaar
Ons vier Internasionale Wiskunde Dag saam met Pi Dag, maar indien jy die dae afsonderlik wil vier – is Wêreld Wiskunde Dag om die draai. Spandeer hierdie dae om wiskundige konsepte te hersien of om wiskunde speletjies te speel.
Nog drukbare werk en Wiskunde Dag idees.
Februarie 21, 2022
Hoe vier jy Moedertaaldag? Gebruik 𝗠𝗢𝗧𝗛𝗘𝗥𝗟𝗔𝗡𝗚𝗨𝗔𝗚𝗘 om 10% ekstra afslag op die 21ste Februarie te kry.
Februarie 17, 2022
afrikaans biblioteek, biblioteekweek, boeke dag, boeke nag, Boekedag, boekenag Lewer kommentaar
Tydens die eerskomende Biblioteekweek fokus ons daarop om die biblioteekdienste te herontdek. Daar is ‘n Boeke Dag op die 3de Maart (Verenigde Koninkryk) en een op die 23ste April. Die 23ste April dien ook as Boeke Nag – wanneer ‘n mens ‘n lees aand by die skool of tuis kan reël.
Februarie 16, 2022
afrikaans speldag, Spelwoorde, woordbou, woordboudag Lewer kommentaar
Wêreld Speldag is vanjaar op die 3de Maart. Ons kleiner outjies kan nog nie spel nie, maar ons kan die klanke hersien of ‘n Woordboudag hou. Bou woorde met kleiwurmpies of skryf die woorde in plat klei. Gebruik letterstempels, -magnete of iets soos droë alfabetpasta. Fokus op woordfamilies (bv. -as woorde, -op woorde, ens.) en rymwoorde of speel speletjies soos Scrabble/Krabbel. Doen woordbou oefeninge as deel van die dag se werk en bou sinne om te illustreer.
Loer gerus na hierdie spellyste en kyk of jy weet wat die onderskeie woorde beteken. Kan julle dit in ‘n woordeboek vind en dalk by jul persoonlike woordeboekies voeg om later te gebruik? Bou woorde dwars en af (in ‘n blokkiesraaiselformaat) op ‘n A4- of A3-vel sodat elkeen ‘n unieke muurprent kan maak.
Waarmee sal ‘n mens begin? ‘n Naam, ‘n woord uit ‘n storieboek of ‘n woord uit die tema?
Februarie 14, 2022
afrikaans medemens, medemenslikheidsdag, Random Acts of Kindness Lewer kommentaar
Op die 17de Februarie word ons daaraan herinner om gaaf en behulpsaam te wees sonder om iets terug te verwag.
Gaan stap as ‘n groep deur die naaste veld of park om vullis op te tel. Hoeveel swartsakke kan julle vol maak?
Besoek ‘n aftree-oord en sing liedjies op die sypaadjie.
Bied aan om met die bure se honde te stap.
As jou groentetuin of vrugtebome welig dra, deel gerus jou oes met ander.
Plant blomme en kruie wat jy ook met ander kan deel.
Skakel vriende of familielede met wie jy lanklaas gesels het.
Begin ‘n mini-biblioteek in ‘n koshuis of tehuis. Neem ‘n boek en los ‘n boek.
Help ‘n maat om nuwe konsepte baas te raak (bv. om veters vas te maak, skoolwerk te bemeester…).
Plaas ‘n skoenpoetsmandjie in die klas.
Help kinders om hul besittings te merk.
Is daar omgee aksies in jul skool of gemeenskap waaraan ‘n mens meer gereeld aandag kan skenk? Loer gerus en kies ‘n paar om hierdie jaar te ondersteun.
Februarie 8, 2022
afrikaans internet, internetveiligheidsdag, kuberboelie, rekenaar Lewer kommentaar
Gebruik jy of jou geliefdes sosiale media en verskillende aspekte van die internet? Hersien of vervang wagwoorde en gesels met oud en jonk oor veiligheidsmaatreëls wat ‘n mens in gedagte met hou wanneer jy vreemde boodskappe, foto’s, skakels en inligting teë kom. Vra gerus dat ‘n kundige (polisie of rekenaarfundie) ‘n bietjie meer inligting deel.
Februarie 3, 2022
afrikaans moedertaal, moedertaaldag Lewer kommentaar
Dit is amper Moedertaaldag. Hoeveel verskillende tale praat die leerders in jou klas. Kan julle mekaar in die onderskeie tale groet?
Volg die skakel en klik dan op die prente of flitskaarte.
Getalle vir beginners
Apps Sing saam
© My Klaskamer - idees en gedagtes uit 'n juffrou se pen 
Woorde