Hier is ‘n paar idees vir tuis-oefeninge. Druk die voorbeeld uit en sit dit langs die kleinding neer of plak dit teen die muur vas. Gebruik ‘n “lyntjieboek” om in te oefen. Ek is nie seker of die prente se skaal korrek sal wees indien jy dit direk druk nie. Indien dit wel werk – kan jy die bladsy in ‘n lêersakkie bêre en ‘n dun koki (witbord veselpen) gebruik om dan daarop te skryf. ‘n Mens kan die sakkie vinnig skoon vee en môre weer oefen.
Die drukskrif oefeninge is nog te moeilik vir Graad 1. Doen dit eerder met Graad 2- en 3-leerders. Die lopende skrif-oefeninge kan met kinders van Graad 2 af op gedoen word.
Tik gerus ook soekterme soos “skrif, skryf, potloodgreep, lopende skrif, knip” by die bruin soekblokkie in vir nog hulp en idees.
Moenie van CNX vergeet nie…So skryf ‘n mens op lyne: a m, n, r, h, p r en b p en d h, p, b b, d d k l i e met patroon a, e, s g o en c u s s en patroon z en j t, i, k v w x y
Vir linkshandige outjies.
Juffer
© My Klaskamer - idees en gedagtes uit 'n juffrou se pen 
Mar 02, 2010 @ 01:35:06
Hallo Almal.
Juffrou dankie vir die hulp wat jy ons bied. Ek is ‘n mamma wat tuisondderig gee en jou webblad help baie.
Baie Dankie
Elmarie
LikeLike
Mar 02, 2010 @ 13:55:31
Welkom, Elmarie 😉 Vra gerus as ek kan help…Indien ek nie kan help nie, sal ek vir jou in die regte probeer stuur 😉
LikeLike
Apr 18, 2012 @ 11:23:38
Hallo Juffrou,
Ek het nou eers jou web blad ontdek en daar is baie oulike idees. Kan jy dalk help. My dogter van 10, skryf regtig baie onleesbaar en sy sukkel met konsentreer in die skool. Hoe kan ek haar help met haar konsentrasie en skrif.
Vriendelike groete
Trudie
LikeLike
Apr 18, 2012 @ 19:25:08
Hallo, Trudie 😉 Ek weet dat arbeidsterapeute dikwels nie kinders in die ouer grade sien nie, maar sou beslis vir ‘n opinie en ‘n tuisprogram gevra het. Onduidelike skrif kan ‘n mens benadeel – veral as die onderwyser nie die antwoorde kan merk nie.
Dalk kan julle poskaarte vir die familie skryf of boodskappe vir ander gesinslede op ‘n skryfbordjie in die kombuis laat. Só raak ‘n mens meer bewus dat “ouma nie meer so mooi kan sien nie” en word daar meer moeite gedoen. Prys die netjies skrif en moet eerder niks oor ‘n “woelige” skrif sê nie.
I.v.m. die konsentrasie: Loer gerus na die idees in verband met aandagspan en dieet. Oefen tuis deur byvoorbeeld realistiese tydperke met behulp van ‘n wekker (“egg timer”) af te baken en dan ‘n takie te gee (bv. 5 somme, 5 minute). Pas die tye dan by die uitdagings aan en kyk of dit vir julle werk. ‘n Ander opsie is om ‘n groot muurhorlosie aan te bring en ‘n rooster vir huiswerk op te stel. Loer dan nou en dan in om te sien of alles volgens plan verloop. Jy kan die vakke “kodeer” volgens kleure en dan die tas en rooster daarby aanpas. So sal poplap weet waar haar boek is, hoe dit lyk en dat sy wiskunde van bv. 15:00 – 15:20 hersien. Die kleur-indelings werk goed as ‘n mens ‘n struktuur en roetine probeer vas lê.
Praat gerus met die opvoeder en vind uit of die konsentrasie in die klas ook ‘n probleem is. Indien wel, kan ‘n mens vir ‘n plasing langs ‘n helpertjie of voor in die klas vra. ‘n Pediater sal egter die beste opinie in hierdie verband kan gee 😉
LikeLike
Mar 18, 2014 @ 15:54:14
Hallo Juffrou..
Ek is ‘n Student by Potchefstroom en studier Onderwys gronslagfase en wil net sê hierdie blad help my baie veral met opdragte/take..
Liefde en Groete:
Monique
LikeLike
Mar 18, 2014 @ 18:43:25
Middag, Monique 😉 Ek is bly. Kom loer gerus weer in 😉
LikeLike
Feb 24, 2020 @ 13:47:13
Goeidag,
My dogter is nou graad 1. Sy skryf dikwels die 2, 3, 4, 5, 7, 8, 9 verkeerd om sowel as die a, b, d, p, s. Die een oomblik skryf sy dit perfek en die volgende dag ruil sy die weer om. Hoe kan ek haar help hiermee.
Sy sukkel ook met die syfers, veral om terug te tel tot by een. Sy kon al laas jaar van 1 ot 100 tel maar ewe skielik kry sy dit nie reg nie. Sy sukkel om te onthou wat kom na 29, 39, 49 ens. Hoek kan ek haar hiermee help.
Groete
LikeLike
Feb 24, 2020 @ 14:21:43
Middag, Sanja 😉
Laat toets gerus die ogies by ‘n oogkundige soos Specsavers (gratis vir kinders) om te verseker dat die ogies egalig en saam beweeg.
‘n Mens sal begin deur hersiening van ‘n paar vaardighede te doen, bv. visuele persepsie (hoe die brein vertolk wat die ogies sien), die begrip van links en regs, vaslegging van b en d…
As jy die handgebare gebruik om tussen die b en d te onderskei, kan jy die kneukels teen mekaar hou en af swaai. Dit sal dan ‘n p en q (prince en queen) verteenwoordig wat vir mekaar kyk.
Plaas ‘n alfabet tafelkaart op verskeie plekke waar julle huiswerk doen, maar ook waar dit sigbaar is ter verwysing of hersiening. Dit help om net kort-kort te kan loer om seker te maak van die simbole.
Hou ‘n syferkaart gereed wanneer julle tel – selfs ‘n slangetjies en leertjies-kaart kan werk. Hou ‘n liniaal of gedrukte kaart byderhand, sodat sy altyd kan seker maak dat die syfers korrek gevorm word. Die 2, 3, 5 en 7 se openinge kyk altyd na die kantlyn. Knip lang stroke koerantpapier (ewe lank) en skryf saam-saam die getalle neer. Hou die eerste getalle toe en wys vir haar dat jy basies telkens tot nege tel en dat die volgende getal ‘n ’10’. Trek die getalle met ‘n 9 in ‘n helder kleur na en teken twee handjies bokant die tiene. Verbind die stroke en maak ‘n lang getallyn om mee te tel (loop en tel).
Ek hoop dit kan help. 🙂
LikeLike