Tuis

KABV-Werkboeke / CAPS Workbooks 2021 [Deel 2]

4 Kommentaar


Die tweede werkboek vir Kwartale 3 en 4 is beskikbaar. Die boeke is gratis beskikbaar en mag nie verkoop word nie. Indien daar tekorte by skole is, kan ‘n mens dit aflaai en druk. Nie alle graadvlakke het tale of FAL- en EAT-boeke beskikbaar nie. Boeke uit vorige jare is hier beskikbaar. Loer ook hier na punte 15 en 16.

Enkele mense het vir antwoordstelle gevra. Ek is nie van antwoordgidse bewus nie – buiten die 2014 Wiskunde antwoorde nie. Loer gerus onder hierdie lysie (net onder die werkboekprentjie) – na punt 9 🙂

Beplanning

Lewer kommentaar


Vind hiermee voorbeelde van gratis beplanning:

Huistaal Graad 1 – 3: Kwartaal 1 – 2 (HT/HL), Kwartaal 3 en 4

EFAL Graad 7 – 12

Wiskunde Graad 1 – 3, 4 – 12

Meer dokumente in verskillende huistale.

Meer vakke

Tik gerus soekterme soos Hulpmiddels, Gratis Leesboeke, KABV, Werkboeke, Flitskaarte, Klanke, Sigwoorde… by die bruin soekblokkie aan die regterkant in vir meer idees en voorbeelde.

Voorspoed

Lewer kommentaar


Alle voorspoed met die derde kwartaal! Alles wat mooi is en mag elke dag net beter gaan. Ons is darem nou al oor die halfpad merkie 🙂

Olimpiese Spele

Lewer kommentaar


Die Olimpiese Spele word van die 23ste Julie tot die 8ste Augustus beplan. Die Suid-Afrikaanse Olimpiese Span het hard gewerk om voor te berei. Volg die span gerus in die nuus, laai gerus hierdie gratis velle af en loer hier na vorige idees.

Die Rooster.

Verken wêreldlande, -kaarte en landsvlae.

Afslag

Lewer kommentaar


Afslag

2 Kommentaar


10%-afslag wanneer jy “teacha10” by die betaalpunt invoer.

Loer gerus in 🙂

Jeugdag

Lewer kommentaar


Gelukkige Jeugdag 🙂

Oseaan

Lewer kommentaar


Die 8ste Junie, is Wêreld Oseane dag. As julle naby die see woon, gaan maak die strande skoon of probeer om fondse in te samel vir organisasies wat help om die oseane te versorg of te beveilig.

Besoek ‘n akwarium aanlyn, bv. Two Oceans of die akwarium in Georgia.

Kyk hoe seekatte hul kleur verander.

Leer oor die versorging van pikkewyne.

Leer oor die versorging van ‘n seeskilpad.

Hoe diep is die see?

Oefen vandeesweek die branderpatroon tydens skriflesse.

Skryf somme of spelwoorde op vis flitskaarte.

Laat vissies swem. Kan jy dieselfde met seesterre, seekatte en krappe doen?

Oseaandag natrekwerk en ‘n woordsoek.

Kinderbeskermingsweek

Lewer kommentaar


Die Kinderbeskermingsweek begin op die 30ste Mei. Loer gerus na dokumente soos die Kinderwet (Engels) of na vorige skrywes oor kinderregte, veiligheid en beskerming.

PSW velle

Graad 5

Kinderregte pdf

Afrikadag

Lewer kommentaar


Die 25ste Mei, is Afrikadag. Hersien ‘n bietjie jou kennis van Afrika of dra klere wat ons kontinent vier.

Afrika (kaarte)

Museumdag

Lewer kommentaar


Watter tipe museums is in jou stad of dorp? Heelwat dorpe en stede het ‘n museum wat die geskiedenis van die dorp of stad vier. Sommige museums fokus op voertuie (bv. ‘n motor museum) en ander op unieke items soos speelgoed. Hoeveel museums het jy al besoek en wat was interessant in elkeen? Vertel gerus jou maats daarvan.

Bye dag, 20ste Mei

Lewer kommentaar


Op die 20ste Mei vier ons Wêreld Bye dag. Versier gerus die klas, skryf die spelwoorde en somme op bytjie flitskaarte of gesels gerus oor die belangrikheid van bye. Luister na stories en sing liedjies oor bye.

Het julle blomme in die tuin? Plant gerus ‘n paar 🙂

Onderrigplanne/ATPs

4 Kommentaar


Die nuwe Onderrigplanne is einde April gepubliseer.

Grade 2 Life Skills: Die Onderwysdepartement het ‘n Wiskunde Onderrigplan gelaai.

Graad 4 – 6

Multigraad: Graad 4 – 6 en 7 – 9

Graad 7 – 9

Wêreld Boeke Nag

Lewer kommentaar


Met Wêreld Boeke Nag, kan ons ‘n bietjie later wakker bly om ‘n gunstelingboek, rympies, lirieke en nog vele meer te lees. Maak gerus beurte en skryf alles neer wat julle kon lees.

Hemelvaart

Lewer kommentaar


Ons vier Hemelvaart op die 13de Mei. Loer gerus hier na ‘n paar liedjies en idees vir dié spesiale dag.

Hemelvaart: Drukbare lesidee

Die Hemel: Oudioboek (vir kinders), Groter prente (inkleur), Kleiner prentjies

Heaven: Audiobook for children, Larger pictures to colour, A smaller version, Colour

Allerbeste Stories uit die Kinderbybel, Volume 3

Hemelvaart (Preke ter agtergrond): Preek 1, Preek 2

Meer idees.

Outisme Spektrum

Lewer kommentaar


Outisme dek ‘n enorme spektrum – wat daarop dui dat elke kind met outisme, ‘n unieke kombinasie uitvalle en besondere talente kan hê. In Amerika, is die voorkoms van ASD (Autism Spectrum Disorder of Outisme) bykans 1 uit elke 58 kinders en wêreldwyd word soortgelyke statistieke gelys. Die moontlikheid dat jy waarskynlik kinders op die spektrum in jou klas kan kry, bestaan wel en alhoewel ons nie alles reg kan doen nie, sal ‘n bewustheid, deernis en aanpassings ‘n goeie beginpunt wees. Sover moontlik, sal dit altyd wenslik wees om as ‘n span saam te werk om elke kind se unieke vaardighede te ontwikkel en om hom of haar bes moontlik te ondersteun. Gesels met die ouers, betrokke terapeute en kollegas om te verseker dat almal saam werk om haalbare doelwitte te bepaal.

Hoe lyk outisme of watter kenmerkende eienskappe het jy al waar geneem?

  • Beperkte oogkontak: Sommige kinders vind oogkontak problematies. Hulle vermy dit of vind soms ‘n fokuspunt elders op die ander persoon se gesig.
  • Herhalende bewegings: Sommige kinders skud hul hande, trommel die vingers, loop in sirkels, hop of trap heen en weer wanneer hulle besonder opgewonde of gespanne raak. Sommige kinders sal lank met water of sand kan speel en kyk hoe dit deur hul vingers val – wat ‘n kalmerende effek kan hê.
  • Unieke mylpale: Sommige kinders bereik hul mylpale vroeër as hul eweknieë en ander bereik die mylpale heelwat later. Sommige kinders begin eers heelwat later praat. Party kinders raak heelwat later onafhanklik in die badkamer. Sosiale bewustheid of die manier hoe sommige kinders uitreik na maats of speel, kan ook anders lyk. Skep ‘n bewustheid van insluiting en wissel groepe tydens klaswerk en pouses af, sodat daar ruimte is om met maats te speel of te gesels – al is dit in kort periodes.
  • Spraak en kommunikasie: Party kinders begin eers heelwat later praat en ander herhaal woorde, sinne of frases (“echolalia”) wat hulle gehoor het, maar kan nie ‘n gesprek voer nie. Sommige kinders praat vlot en leer gou hoe om in verskillende situasies te kommunikeer, maar worstel met aspekte soos sarkasme. Party kinders gebruik eenvoudige prentjies (bv. Boardmaker, PECS) of toeps/apps om namens hulle te kommunikeer. Party kinders gebruik ‘n baie formele, gevorderde woordeskat en ander praat glad nie. Party kinders kan reeds van ‘n jong ouderdom af lees en spel en ander worstel om woorde te ontsluit. Sommige kinders gaan ‘n bietjie langer neem om ‘n vraag te verwerk, so gee hulle ‘n aanduiding dat jy graag hul mening wil hoor (bv. Louis, ek wil graag hoor hoe jy Vraag 4 bereken het, maar kom ons hoor eers hoe Tobie Vraag 1 bereken het).
  • Motoriese vaardighede: Soos in die geval van elke unieke kind met outisme, is die motoriese ontwikkeling ook verskillend van kind-tot-kind. Party kinders kom lomp voor, maar het besondere goeie balans, oog-hand koördinasie en swem vaardighede. Sommige kinders kan netjies skryf en ander worstel weer om te knip en te skryf.
  • Sensoriese vaardighede: Sommige kinders is sensitief vir harde geluide en ander het besondere goeie gehoor of luistervaardighede. Party kinders is ligsensitief en hou nie van skerp lig nie, terwyl ander weer lank na dowwe ligte kan kyk. Party kinders sit graag op wikkelkussings, stoele wat wikkel en wieg of loop heen en weer terwyl hulle na die onderwyser luister. Sommige kinders vind groepe (bv. in die sangklas of saalbyeenkomste) oorweldigend.

Praat gerus met ‘n arbeidsterapeut (wat opleiding in sensoriese integrasie het), om raakvat idees vir elke unieke kind te kry.

Ons gaan beslis nooit alles kan verstaan of reg kan doen nie, maar die bereidwilligheid om meer te leer, werkswinkels by te woon, verslae te lees en om ‘n pad met die leerder (en ouers) te stap – is reeds ‘n goeie tree vorentoe. Gebruik April (die maand ter bewusmaking van Outisme) om ‘n bietjie meer te wete te kom.

KABV-Werkboeke / CAPS Workbooks 2021 [Deel 1]

Lewer kommentaar


Die KABV-werkboeke is gratis beskikbaar en mag nie verkoop word nie. Die EAT-boeke is laas in 2013 aanlyn gepubliseer. Sien die skakels by punt 15 en 16 onder die voorbeeld in die middel van hierdie skrywe. Ander werkboeke is hier gelys.

Geen FAL gelys nie.

Geen Graad 7 Tale gelys nie.

Earth Hour: Ligte uit

Lewer kommentaar


Wat kan ‘n mens vanjaar tydens Earth Hour doen? Versier ‘n spesiale houer met aktiwiteite, versnapperinge en bederfies wat julle tydens Earth Hour en ander onverwagse tye kan inspan. Sluit gerus kerse, vuurhoutjies en ‘n lantern daarby in.

Steek kerse en/of lanterns aan waarby julle

  • boeke kan lees
  • speletjies kan speel
  • kan inkleur
  • kan gesels
  • piekniek kan hou…en geniet die uur sonder elektroniese toestelle 🙂

Downsindroom

Lewer kommentaar


Soos in baie ander gevalle, is een dag bloot te min om mense meer oor outjies met Downsindroom te leer. Wat maak hierdie kinders so besonders en hoe kan ons goeie maats vir hulle wees? Is daar skole of instansies in jou omgewing wat ‘n bietjie meer inligting kan deel? Is daar dalk ‘n klasmaat wat meer inligting kan gee?

Om aan die bewusmakingsdag deel te neem, dra ons onpaar of helder sokkies. Jy kan natuurlik jou skoolsokkies met linte en borsspelde versier of jou skool- en sportsokkies meng. Trek sommer jou sokkies bo-oor jou broekspype en gee ander ‘n rede om vrae te vra en om inligting met hulle te deel 🙂

Club21

Down Syndrome Pretoria

Skole in Pretoria

Peter Pan Maitland

‘n Juffrou met persoonlike kennis

Wes-Kaap

Waterweek

Lewer kommentaar


Waarom is daar ‘n waterweek? Hoekom leer ons daarvan?

Fokus gerus hierdie week op praktiese idees…Wat gebeur as die skool skielik nie water het nie? Hoe gaan jy jou hande was of jou dors les? Hoekom vra die grootmense dat rommel in dromme gegooi word? Wat gebeur as ons een dag se eetgoed papiere in ‘n houer water gooi? Sal jy die water wil drink? Dink net hoe ‘n dorp se water sal lyk as almal hul rommel rondstrooi. Hoekom moet ons oor water in plekke ver van ons af bekommerd wees? Hoe raak dit ons?

Verf vandeesweek ‘n bietjie meer en fokus op die waarde van water vir klein lyfies. Hoe gebruik ander mense water en hoe gebruik ons water by die huis? Is dit altyd spaarsamig of mors ons soms?

Ons kan beslis nie al die probleme oplos nie, maar ons kan die outjies so ‘n bietjie laat wonder.

Older Entries

%d bloggers like this: