Advertisements
Tuiste

Olimpiese Spele

Lewer kommentaar


olimpiese

Die Olimpiese Spele duur van die 5de tot die 21ste Augustus en vind in Brasilië plaas.  Dit vind gewoonlik elke vier jaar plaas en Suid-Afrika neem sedert 1904 aan die Somerspele deel.

Gee vir die kinders verskillende sportsoorte om na te vors.  By watter sportsoorte is water, ‘n bal, ‘n baan, ‘n teiken, ‘n span, ‘n fiets, ens. betrokke?  Watter klere word by elke item gedra?

Hoeveel lande neem deel?  Waar is die lande?  Hoeveel van die lande is in die Suidelike en in die Noordelike Halfrond onderskeidelik?  Hoe lyk die lande se vlae?

Ken jy hierdie sportsoorte?

  1. Boogskiet
  2. Gimnastiek (Artistiese)
  3. Ritmiese Gimnastiek
  4. Gimnastiek Tuimel / Trampolien
  5. Atletiek
  6. Pluimbal
  7. Basketbal
  8. Vlugbal (strand)
  9. Vlugbal (binneshuis)
  10. Kano Slalom Hindernesbaan
  11. Kano Snelresies
  12. Fietsresies (BMX)
  13. Fietsresies (Bergfiets)
  14. Fietsresies (Pad)
  15. Fietsresies (Baan)
  16. Sierduik
  17. Perdry
  18. Skermkuns
  19. Sokker
  20. Golf
  21. Handbal
  22. Hokkie
  23. Judo
  24. Swem marathon
  25. Driekamp
  26. Vyfkamp
  27. Roei
  28. Rugby Sewes
  29. Skyfskiet
  30. Seiljagwedvaart
  31. Swem
  32. Gesinkroniseerde Swem
  33. Tafeltennis
  34. Taekwondo
  35. Tennis
  36. Waterpolo
  37. Gewigstoot
  38. Stoei

Probeer:

Kennispret

Olimpiese Spele

Kaarte: Afrika, Noord-Amerika, Suid-Amerika, Europa, Asië, Australasië
Velerlei inkleurprente
Engelse woordeskat
Engelse taalwerk
Verskeie werksvelle
‘n Mengelmoes van aktiwiteite

 

 

 

 

Advertisements

Olimpiese Spele

14 Kommentaar


 

 

Die Olimpiese Spele is om die draai en daar is lekker baie om te beplan.  Hiermee so ‘n paar voorlopige gedagtes…

Die ringe

Vir die kleintjies kan ‘n mens by die embleem begin en aan hulle verduidelik wat die vyf ringe beteken.  Dié kleure is gekies, omdat dit die meeste op wêreldvlae voor kom en die ringe verteenwoordig die vyf hoof kontinente:  Asië, Afrika, Europa, Amerika en Australië.

  • Daar is vyf ringe.  Wie kan tot by vyf tel?  Wie kan in vywe tot by ‘n gegewe getal tel?  Watter vorm is die ringe?
  • Gebruik verf en iets sirkelvormigs (soos plastiekglasies) om die ringe met drukwerk na te boots.  Maak ‘n raam reg rondom die rand van ‘n papier om later vir ‘n uitstalling of kreatiewe skryfwerk te gebruik.
  • Verf papierborde in die onderskeie kleure, knip die middelste deel uit en skakel dit aan mekaar.
  • Versier toiletrolletjies met skeur-en-plakwerk.
  • Draai pypskoonmakers in sirkels en heg die skakels aan mekaar.
  • Bak ringvormige koekies en laat elke outjie sy vyf koekies met helder versiersuiker versier.
  • Gebruik smarties om die verskillende ringe voor te stel.  Kom lifesavers dalk in die kleure voor?

Die fakkel

Die gelukbringers

Toekennings

  • Verander toekennings, beloningskaarte en motiveringsertifikate volgens ‘n olimpiese tema.
  • Maak medaljes uit soutklei en verf dit in goud, brons en silwer.  Elke outjie kan sy eie medaljes maak of dit kan vir goeie gedrag, behulpsaamheid, en dies meer gebruik word.
  • Draai ‘n rolletjie lekkers soos ‘n aflosstokkie toe.  Dit behoort ‘n lekker beloning vir goeie werk te wees.
  • Dink aan verskillende belonings – nie net akademies van aard nie.  Hou dan ‘n klein seremonie om die belonings te oorhandig.  Gebruik bankies van verskillende hoogtes as jy wil.
  • Die simboliek van die wennerspodium kan lekker ingespan word om trappe van vergelyking te verduidelik (vinnig, vinniger, vinnigste).

Buitespel / Liggaamlike oefeninge

  • Maak julle eie ritmiese gimnastiekstokkies.  Kap ‘n metaal ogie aan die een kant van ‘n ronde stokkie (dowel) in, haak ‘n ogie (swivel) daarin en buig toe.  Knoop ‘n lang, breë lint daaraan vas en gee vir die kleingoed om mee te speel.  Onthou om spesifieke reëls daar te stel soos beperkte getalle, afgebakende “dans”-ruimte en veiligheidsmaatreëls.
  • Grawe in die LO-stoor en gebruik al die vergete toerusting.  Is daar dalk iets soos gimnastiekringe wat ‘n mens buite aan die klimraam kan hang?
  • Betrek toerusting soos die groot matte vir bollemakiesie, klein trampoliens, balle (vir gimnastiek) en lae bankies vir balansering.
  • Bied ‘n demonstrasieles aan om vir die outjies meer oor sporte soos Gimnastiek te leer.
  • Gooi balle of boontjiesakke na teikens.
  • Watter ander sportsoorte se vaardighede kan op geskerp word?

Wiskunde

  • Watter vorm is ‘n gimnastiekmat?  ‘n Hokkiebal? Watter vorms kruip op ‘n sokkerbal weg?  Watter vorm is ‘n atletiekbaan?  ‘n Atletiekbaan se is bane ewewydig.  Wat is dit?
  • Watter item is die langste op ‘n atletiekbaan?  Die kortste?  Wat is die verskil in lengte tussen hierdie twee items?
  • Hoe hoog word die hekkies vir mans en vir dames gestel?  Wat is die verskil?
  • Hoeveel atlete kan op ‘n slag wegspring?  Dus hoeveel bane is daar?
  • Hoeveel atlete is in die onderskeie items se spanne (bv. sokker, hokkie, swem)?
  • Hoe lank is ‘n minuut (meet dit af met ‘n “aftel-wekker”) of ‘n uur?
  • Doen somme in verband met tyd.  Bv.  Elana neem 10 minute en 20 sekondes om die wedloop te voltooi en dit neem Jana 12 minute en 20 sekondes.  Wat is die verskil in tyd?
  • Posisie Ordinale Getalle
  • posisie eerste

Geletterdheid

  • Trappe van vergelyking gaan redelik baie voor kom.  Bv. langste afstand, vinnigste tyd, vinniger, hoër..Hou rekord van al hierdie woorde deur dit op die bord aan te bring.  Dit kan in skryfwerk of ‘n taalleerles (Graad 3+) gebruik word.
  • Skryf opstelle uit die oogpunt van ‘n atleet – nie noodwendig ‘n “wen”-verhaal nie, maar oor ervaring (bv. wat jy sien, hoor, voel, ruik…).
  • Engelse begrippe, woordeskat en raaisels (sommige take is ietwat moeiliker).
  • Tydens skriflesse kan die kleintjies die Olimpiese ringe natrek – antikloksgewys.  Dit kan ‘n voorganger wees vir lesse in verband met klanke a, d, g, s, f.

Ander

%d bloggers like this: