Ek het gister geantwoord op ‘n vraag oor b en d verwarrings. Ek plaas dit hier as ‘n artikel en las ‘n paar dinge by…
Die belangrike ding van b en d is om dit afsonderlik te verduidelik. b begin altyd bo en beweeg dan af. Jy verbeel jou dat jy baie lekkers voor jou op die tafel het en dat jy gulsig is 😉 Trek die lekkers nader…en strooi dan ‘n paar vir die ander maats om die tafel (kloksgewys). Jy trek die b dus denkbeeldig met die gryp en uitdelery. Praat saam as jy die b maak. “b begin bo…b is vir beer…b is vir bal…b is vir bak…en dis nie al…”
Speel dan “Ek sien met my klein ogie…iets wat begin met ‘n b…”
Maak b bladsye….soek prente wat begin met b in ou tydskrifte en plak dit op ‘n papier…laat die kleinding ‘n b langs elkeen skryf. Plak dit iewers vas waar sy baie daarna kan kyk. Iemand het elders ‘n (engelse) liedjie op die wyse van “My Bonnie lies over the ocean” op gemaak…Probeer myne…
“My juffrou het prente van die b-klank,
van bere, van boeke en blou.
My juffrou het prente van die b-klank…
b b b b b b b b…
Bring jou hand af,
bring jou hand af,
bring af en bons op en om…bons om
bring jou hand af, hand af…
bring af en bons op en om…”
Maak die skryf-aksie na terwyl jy die refrein sing – asof jy op ‘n denkbeeldige bord skryf.
d begin op dieselfde plak as a – in die draai (2 pm op die horlosie en anti-kloksgewys na links)…”om die piering op-en-oooop en af…”
Doen dieselfde tipe aktiwiteite as met die b... Soek prentjies…soek d-dinge in die vertrek…
Skeur stukkies blou of bruin papier (uit ou tydskrifte) en plak dit op ‘n groot b. Doen dieselfde met ‘n donker groen op die d….Maak ‘n b uitstalling dalk op die linkerdeur van Poplap se kasdeur en ‘n d uitstalling op die regterdeur…oefen oefen oefen 😉
Gebruik die “doo wa di di”-liedjie hier…
“doo wah diddie, diddie dam diddie doo…
Gaan om die piering en dan op en da-han af…
sing dan doo wah diddie, diddie dam diddie doo…”
‘n Mens kan nie die geskrewe aspekte alleen hanteer nie. Tesame met die verwarring van die klanke, moet jy aandag skenk aan aspekte soos lateraliteit (die begrip vir links en regs), visuele diskriminasie (die uitkenning van b of d tussen ander klanke)…
‘n Video om te help – speel deur die Tiny Tap Toep/App
Juffer
© My Klaskamer - idees en gedagtes uit 'n juffrou se pen 
Feb 17, 2010 @ 23:02:24
Hi Juffer…’n baie belangrike ding waaroor jy hier skryf. Ek het ook hierdie metode gebruik – wat jy in hierdie prentjie sal sien. Dis nogal oulik.
LikeLike
Feb 18, 2010 @ 16:48:11
Dankie, Nikita. Ja, ek gebruik daardie outjie ook. Ons “sit” ‘n brilletjie op. Die vingers maak die “okay” voor elke oog. Dan sit ons hulle neer. As jy “bed” sê hoor jy eerste b…dis die linker outjie en jy hoor d laaste…die een wat laaste staan. Om die een of ander rede werk dit nie met al my knapies nie…Dit frustreer my nogal. 😉
LikeLike
Feb 17, 2010 @ 23:03:00
Terloops, hy werk vir Afrikaans ook…toevallig. 🙂
LikeLike
Aug 27, 2010 @ 11:47:39
Goeie Dag Juffer
Dankie vir ‘n oulike leersame webblad. Kan jy my dalk help? Ek moet ‘n groep stadige leerders help opvang waar hulle uitgeval het en hulle gereed kry vir toelating tot ‘n spesiale skool. Ek soek die volgorde van die aanleer van klanke in Afr en Eng soos ons dit jare terug gedoen het (Vandag gooi hulle alles deurmekaar en dit verwar net die kinders) Ek sal bly wees as jy dalk kan help.
LikeLike
Aug 27, 2010 @ 17:05:53
Hello, Magda 😉
‘n Gids wat uit 1997 dateer gee die volgorde as:
“v, w, m, n, r, h, b, p, a, o, l, k, t, j, u, y, i, d, y, i, d, g, s, f, e, aa, ee, oo, uu, ou, ui, eu, ei.” (Graad 1)
Ek sou elke outjie se klankherkenning toets (wys ‘n klank en hy benoem), kyk waarmee hy worstel en dan die hele groep met die mees algemene probleme help. Die klanke wat gewoonlik die meeste probleme gee is b, d, p, t, f, eu, ei.
Baie sterkte en laat weet gerus as ek nog kan help. 😉
LikeLike
Feb 03, 2014 @ 21:17:38
Hallo Juffer,
Ek onthou ook nog die volgorde van die aanleer van die Klanke in Afrikaans, maar sal ook graag soos Magda, hierbo, die volgorde van die Engelse klankies vir Gr. 1 wil weet (soos in die ou dae 🙂 ) Watter dubbelklanke het hulle geleer en in watter volgorde? Ek werk ook met ‘stadige’ outjies.
LikeLike
Feb 04, 2014 @ 17:51:41
Middag, Elzette 😉 Ek het ongelukkig nie so iets vir die Engels nie, maar het my eie konsep vir my remediëringsgroepe op gestel. Dalk kan dit help 😉
LikeLike
Feb 04, 2014 @ 21:44:37
BAIE dankie! Ek is nou meer gerus dat ek op die regte spoor is. Ek dink my outjies sal omtrent so by nommer 8 kom. Liewer ‘n goeie basis lê waarvan die graad 2 juffrou dan verder kan werk. 🙂
LikeLike
Feb 05, 2014 @ 20:19:42
😉
LikeLike
Apr 14, 2015 @ 18:08:45
Laat die kind die b in die lug “skryf” terwyl hy die klank se, en dan moet die onderwyseres terselfdertyd agter hom/Haar staan en die letter b op die kind se rug skryf. Dit werk baie goed met die kinders in my klas.
LikeLike
Mei 07, 2015 @ 22:12:46
Ek het vir my seuntjie geleer b(e)d. Toe teken ek ‘n prentjie van ‘n bed met di kussing op di b en voete by die d. Hy het dit nog nooit weer verkeerd gehad nie. En dit werk in afr en engels. Want hy is in ‘n engelse skool.
LikeLike
Sep 08, 2015 @ 08:20:05
Juffer baie dankie vir al die raad en idees. My kleinkind word 11, maar hy het net graad 1 gedoen, en toe vir 3 jaar geen skool opvoeding gehad nie. Hy is nou in graad 4 geplaas, maar hy sukkel om te lees en klanke te verstaan. Enige advies vir my wat hom kan help? Hy is nogal goed met die wiskunde.
LikeLike
Sep 09, 2015 @ 02:53:07
Hallo, Connie 😉
‘n Mens sal moet terug gaan na die basiese konsepte van lees onderrig. Tik gerus soekterme soos “abc, klanke, hersien, sigwoord, lees, komponent, f en v, b en d, e klink soos i, rym, verkleinwoord, flits…stories, rympies, huiswerk” vir moontlike idees en “CAPS” vir skakels na die Graad 2 – 3 kurrikulum – veral as julle vaslegging gaan doen. Graad 2 en 3 werkboekies (soos Trumpeter Publishers s’n) sal beslis help met hersieningswerk. ‘n Mens kry dit dikwels teen billike pryse in winkels soos PNA.
‘n Mens sou die dienste van ‘n remediërende opvoeder wou bekom om die leemtes aan te spreek – indien moontlik. 😉
LikeLike
Sep 12, 2015 @ 10:53:24
Baie dankie vir die terugvoering. Waardeur dit opreg.
LikeLike
Sep 12, 2015 @ 20:32:16
😉
LikeLike
Sep 13, 2015 @ 12:34:15
Altyd handig veral met disleksie probleme.
LikeLike
Sep 13, 2015 @ 15:47:04
😉 Tik gerus ook soekterme soos “disleksie, links en regs, VMI…ogies…” by die bruin soekblokkie aan die regterkant in.
LikeLike
Feb 24, 2019 @ 18:58:25
Baie behulpsaam Pragtige verduideliking van die d piering en b wat bo begin Sal dit more implementer
Baie dankie
LikeLike
Feb 24, 2019 @ 23:54:06
Dankie, Barbara 😉
Loer gerus ook na hierdie en hierdie skakels.
LikeLike
Mar 15, 2022 @ 13:18:15
Dankie vir al die oulike idees vir die b/ verwarring. My vraag: Hoekom sal n leerder dit alles bemeester en wanneer hy skryf (toepassing) dan is dit steeds n probleem. Kan dit n aanduiding wees van iets anders?
LikeLike
Mar 15, 2022 @ 14:49:47
Indien die outjie nog baie jonk is (tot Graad 2/begin Graad 3), kan die b/d-omkering bloot aam die verwarring van rigting en ontwikkelende visuele persepsie vaardighede te wyte wees. As die prentjie op die tafel of handsimbole nie help nie, kan die aanleer van lopende skrif later wel help – aangesien b en d op verskillende punte begin.
As die outjie ten spyte van al die herinneringe en oefeninge steeds met omkerings worstel, kan ‘n mens met ‘n gesoute arbeidsterapeut gesels om te bepaal of terapie nodig is. ‘n Kombinasie van verskillende lees-, spel- en skryf uitvalle, kan dalk ‘n aanduiding van spesifieke uitvalle, maar nie noodwendig in isolasie nie.
Ek hoop dit kan help 🙂
LikeLike