Tuis

Onderrigplanne/ATPs

4 Kommentaar


Die nuwe Onderrigplanne is einde April gepubliseer.

Grade 2 Life Skills: Die Onderwysdepartement het ‘n Wiskunde Onderrigplan gelaai.

Graad 4 – 6

Multigraad: Graad 4 – 6 en 7 – 9

Graad 7 – 9

Afslag

Lewer kommentaar


Probeer gerus die afslagkode HOLIDAYSALE wanneer jy nuwe hulpmiddels aanskaf.

Onbaatsugtigheid

Lewer kommentaar


Pay it Forward Dag is een van daardie dae wat ‘n mens eintlik elke dag in gedagte kan hou. ‘n Mens kan mos maar altyd die deur vir iemand oop hou of ‘n kompliment gee. Met die huidige gesondheidsmaatreëls is die mededeelsaamheid effens moeilik, maar daar behoort tog iets te wees wat ‘n mens kan doen om ‘n glimlag op ‘n medemens se gesig te plaas.

  • Help om die wasgoed af te haal of onderklere op te vou.
  • Saai ekstra saadjies in ‘n potjie en laat dit met ‘n boodskap op die bure se stoep. Blomme en kruie is altyd welkom.
  • Was die stort of bad uit.
  • Droog die skottelgoed af.
  • Dek die tafel.
  • Steek ‘n paar blomme in.
  • Pak die plastiekbakkiekas reg of help om die inkopies uit te pak.
  • Bied gerus aan om die plante nat te lei. Hoor net hoeveel water elke plant nodig het voor jy begin.
  • Was ‘n kombuislap uit en vee die toonbank skoon.
  • Stof die oppervlaktes af.
  • Vryf die spieëls op.
  • Stofsuig. Dit help baie.
  • Neem ‘n ekstra maaltyd na die bure of pak ‘n ekstra broodjie vir ‘n maat in skool toe.
  • Help om nuwe beddegoed oor te trek.
  • Skakel ‘n maat en help mekaar met huiswerk. Hoor net eers watter moontlikheid die beste en goedkoopste sal wees.

Dit maak nie saak wat ‘n mens vir die ander persoon gee of doen nie, solank jy nie iets in ruil verwag nie. Hou dit eenvoudig, haalbaar en goedkoop. Jy hoef natuurlik nie ver te soek nie. Daar is altyd iets in en om die huis waarmee jy kan help 🙂

Wêreld Boeke Nag

Lewer kommentaar


Met Wêreld Boeke Nag, kan ons ‘n bietjie later wakker bly om ‘n gunstelingboek, rympies, lirieke en nog vele meer te lees. Maak gerus beurte en skryf alles neer wat julle kon lees.

Aarde dag

Lewer kommentaar


Aarde Dag is om die draai. Loer gerus na hierdie idees om op die 22ste te probeer.

Hemelvaart

Lewer kommentaar


Ons vier Hemelvaart op die 13de Mei. Loer gerus hier na ‘n paar liedjies en idees vir dié spesiale dag.

Hemelvaart: Drukbare lesidee

Die Hemel: Oudioboek (vir kinders), Groter prente (inkleur), Kleiner prentjies

Heaven: Audiobook for children, Larger pictures to colour, A smaller version, Colour

Allerbeste Stories uit die Kinderbybel, Volume 3

Hemelvaart (Preke ter agtergrond): Preek 1, Preek 2

Meer idees.

Outisme Spektrum

Lewer kommentaar


Outisme dek ‘n enorme spektrum – wat daarop dui dat elke kind met outisme, ‘n unieke kombinasie uitvalle en besondere talente kan hê. In Amerika, is die voorkoms van ASD (Autism Spectrum Disorder of Outisme) bykans 1 uit elke 58 kinders en wêreldwyd word soortgelyke statistieke gelys. Die moontlikheid dat jy waarskynlik kinders op die spektrum in jou klas kan kry, bestaan wel en alhoewel ons nie alles reg kan doen nie, sal ‘n bewustheid, deernis en aanpassings ‘n goeie beginpunt wees. Sover moontlik, sal dit altyd wenslik wees om as ‘n span saam te werk om elke kind se unieke vaardighede te ontwikkel en om hom of haar bes moontlik te ondersteun. Gesels met die ouers, betrokke terapeute en kollegas om te verseker dat almal saam werk om haalbare doelwitte te bepaal.

Hoe lyk outisme of watter kenmerkende eienskappe het jy al waar geneem?

  • Beperkte oogkontak: Sommige kinders vind oogkontak problematies. Hulle vermy dit of vind soms ‘n fokuspunt elders op die ander persoon se gesig.
  • Herhalende bewegings: Sommige kinders skud hul hande, trommel die vingers, loop in sirkels, hop of trap heen en weer wanneer hulle besonder opgewonde of gespanne raak. Sommige kinders sal lank met water of sand kan speel en kyk hoe dit deur hul vingers val – wat ‘n kalmerende effek kan hê.
  • Unieke mylpale: Sommige kinders bereik hul mylpale vroeër as hul eweknieë en ander bereik die mylpale heelwat later. Sommige kinders begin eers heelwat later praat. Party kinders raak heelwat later onafhanklik in die badkamer. Sosiale bewustheid of die manier hoe sommige kinders uitreik na maats of speel, kan ook anders lyk. Skep ‘n bewustheid van insluiting en wissel groepe tydens klaswerk en pouses af, sodat daar ruimte is om met maats te speel of te gesels – al is dit in kort periodes.
  • Spraak en kommunikasie: Party kinders begin eers heelwat later praat en ander herhaal woorde, sinne of frases (“echolalia”) wat hulle gehoor het, maar kan nie ‘n gesprek voer nie. Sommige kinders praat vlot en leer gou hoe om in verskillende situasies te kommunikeer, maar worstel met aspekte soos sarkasme. Party kinders gebruik eenvoudige prentjies (bv. Boardmaker, PECS) of toeps/apps om namens hulle te kommunikeer. Party kinders gebruik ‘n baie formele, gevorderde woordeskat en ander praat glad nie. Party kinders kan reeds van ‘n jong ouderdom af lees en spel en ander worstel om woorde te ontsluit. Sommige kinders gaan ‘n bietjie langer neem om ‘n vraag te verwerk, so gee hulle ‘n aanduiding dat jy graag hul mening wil hoor (bv. Louis, ek wil graag hoor hoe jy Vraag 4 bereken het, maar kom ons hoor eers hoe Tobie Vraag 1 bereken het).
  • Motoriese vaardighede: Soos in die geval van elke unieke kind met outisme, is die motoriese ontwikkeling ook verskillend van kind-tot-kind. Party kinders kom lomp voor, maar het besondere goeie balans, oog-hand koördinasie en swem vaardighede. Sommige kinders kan netjies skryf en ander worstel weer om te knip en te skryf.
  • Sensoriese vaardighede: Sommige kinders is sensitief vir harde geluide en ander het besondere goeie gehoor of luistervaardighede. Party kinders is ligsensitief en hou nie van skerp lig nie, terwyl ander weer lank na dowwe ligte kan kyk. Party kinders sit graag op wikkelkussings, stoele wat wikkel en wieg of loop heen en weer terwyl hulle na die onderwyser luister. Sommige kinders vind groepe (bv. in die sangklas of saalbyeenkomste) oorweldigend.

Praat gerus met ‘n arbeidsterapeut (wat opleiding in sensoriese integrasie het), om raakvat idees vir elke unieke kind te kry.

Ons gaan beslis nooit alles kan verstaan of reg kan doen nie, maar die bereidwilligheid om meer te leer, werkswinkels by te woon, verslae te lees en om ‘n pad met die leerder (en ouers) te stap – is reeds ‘n goeie tree vorentoe. Gebruik April (die maand ter bewusmaking van Outisme) om ‘n bietjie meer te wete te kom.

%d bloggers like this: