Advertisements
Tuiste

groot en klein

2 Kommentaar


‘n Juffrou het vandag gevra hoe ‘n mens groot en klein aan Graad R kinders kan verduidelik.  Ek sou verskeie soortgelyke items uitstal (betrek die Checkers mini-kruideniersware).  Dink aan ‘n groot yogabal en ‘n klein tennisbal, ‘n groot reistas en die meegaande handbagasie, ‘n groot stoel vir juffrou en ‘n klein stoeltjie vir ‘n kind, ‘n groot mengbak en ‘n klein roomysbakkie, ‘n groot opskeplepel en ‘n klein teelepeltjie…

Loop gerus om die skool en soek na groot en klein items, byvoorbeeld ‘n groot venster en ‘n klein venstertjie, ‘n groot tuin en ‘n klein beddinkie, ‘n groot muurhorlosie en ‘n polshorlosie, drom en drommetjie, sak en sakkie, ‘n groot skoolbus en die mini-bus, ‘n groot skoolskoen en ‘n kleintjie, ‘n groot boek en ‘n kleintjie…(Waak teen woorde soos vet en maer, lank en kort…)

Bespreek die woorde.  Groot items sal dikwels net die woord hê, maar die kleintjie sal die verkleiningsvorm daarby hê.  Hoe spreek ‘n mens die woorde uit en hoeveel klappies (lettergrepe) het elkeen?  Wat hoor jy aan die einde van die verkleiningsvorm?…”ie”, “pie”, “kie”…

big small                groot en klein

Watter van die items kan julle in die sandput of waterbak gebruik? Groot en klein houers, skoene vir voetspore, ‘n groot waterbottel en ‘n kleintjie, ‘n groot roomysbak en ‘n kleintjie…Het julle groot en klein boublokke of groot en klein kledingstukke? Stel dit beskikbaar.

Berei groot koerantvelle voor deur die dubbelblad lengte-gewys in die helfte te vou.  Verf die boonste helfte met effens verdunde blou en die onderste helfte met groen voedsel-kleursel of waterverf.  Kies items om op die landskap te plaas, byvoorbeeld klein en groot huise.  Elke kind kan dan ‘n klein en ‘n groot huis teken of vorms uitknip om groot en klein huise te bou (gebruik basiese vorms soos vierkante, reghoeke, driehoeke, sirkels…).  Plak die koerantpapiervelle langsmekaar in die gang op en laat die outjies hul huise daarop plak.  Kan julle ‘n patroon vorm?  (Bv. groot, klein, groot, klein of groot, klein, klein, groot, klein, klein…)  ‘n Mens kan natuurlik kleiner velle gebruik sodat elke kind ‘n individuele prent maak.

Soek items om drukwerk mee te doen (bv. groot en klein sirkels, groot aartappels en klein aartappels) en maak verskillende soorte patrone – in rye of reg rondom die rand van ‘n bladsy.  Sodra dit droog is, kan ‘n mens groot en klein gesinslede in die middel of apart teken (om op die agtergrond te plak).

Slaan die trom op ‘n groot koffieblik of op ‘n kleintjie.  As die outjies die groot een se klank hoor, moet hulle soos groot olifante rond trap en as hulle die kleintjie se klank hoor kan hulle krimp tot klein muisies.

Soek gerus stories soos “Klein Duimpie”, “Gouelokkies”, “Jan en die boontjierank”… waar daar verwysings na groot en klein items gemaak word of waar jy daarna kan verwys.

Vra dalk dat ouers groot en klein herwinbare items skool toe stuur.  Sodoende kan die kinders self items volgens groottes sorteer en later weer in dooskonstruksies, water- en sandspel gebruik.

Aan watter idees kan ‘n mens nóg dink?

*Gouelokkies (prente)

Advertisements

Handspiere en Perseptuele Ontwikkeling…

15 Kommentaar


oefeninge vir klein handjies en nuwe lesertjies

Skryf woorde met waterverf en jou vinger. Gebruik houtlym en strooi sand oor jou klanke, syfers, somme of woorde.

Write words with water paint and your finger. Use wood glue and sprinkle sand on your sounds, words, numbers or sums.

Pak los klanke (letters) of syfers in ‘n sak. Voel ‘n blokkie. Raai wat dit is. Kyk of jy reg is!

Add loose sounds (letters) or numbers to a bag. Feel one. Guess what it might be. See if you were right!

Bou woorde met magneetklanke op ‘n ou koffieblik. (Bêre die klanke na die tyd binne-in die blik.)

Build words with magnetic sounds on an old tin. (Store your magnets in the tin afterwards.)

Mix dishwashing liquid with food colouring and put it in a sealable bag. Now you can “write” on the bag with your finger. Try writing in Dad’s shaving cream (ask first) or soap foam.

Meng voedselkleursel met opwasmiddel en seël dit in ‘n digte sakkie. Nou kan jy daarop “skryf” met jou vinger. Probeer ook Pappa se skeerroom (vra net eers) of seepskuim.

Rol klei of deeg in wurmpies en bou jou naam. Roll some clay or dough into little worms and build your name.

Mix water paint and dishwashing liquid and put it in an old roll-on container. Bingo! A new roller pen! Meng waterverf en opwasmiddel en gooi dit in ‘n ou “roll-on” botteltjie. Siedaar! ‘n Nuwe rolpen!

Knyp wasgoedpennetjies aan ‘n syferkaartjie vas om te wys wat die syfer beteken.

Fasten pegs to a number card to show the numbers value.

Ryg krale in. Kopieer ‘n patroon.

Thread a string of beads. Copy a pattern.

Sny ou papbokse op en bou die legkaart.

Cut old cereal boxes into pieces and build the puzzle.

Soek na driehoekige potlode en kryte. Dis help die vingers om ‘n goeie potloodgreep te ontwikkel.

Try to find triangular pencils and crayons. It helps in the development of a good pencil grip.
Druk klei plat in die een hand. Wat van ‘n “stres”balletjie? Squeeze a ball of clay in one hand – or try a stress ball.

Draw a picture or cut one from an old cereal box. Punch holes around the edges and thread some string or wool through them.

Teken ‘n prent of knip een uit ‘n ou papboks. Pons gate al om die rand en ryg ‘n veter, tou of wol deur hulle.

Skroef moere om ‘n groot skroef. Screw a big nut onto a bolt.

[ Idees beïnvloed deur: Loubina Buxamusa, arbeidsterapeut]

%d bloggers like this: