Advertisements
Tuiste

Potloodgreep

2 Kommentaar


Op die 23ste Januarie vier ander lande Skrifdag.  ‘n Vinnige idee om met die ontwikkeling van ‘n goeie potloodgreep te help, is ‘n vinnige manier om die potlood op te tel…

Plaas die potlood “vertikaal” voor jou op die tafel – met die punt na jou lyf (maag/bors) – asof dit in die vou van ‘n oop boek lê.  Plaas jou skryfhand se vingerpunte teen mekaar en rus die naelpunte op die tafelblad.  Glip die duim aan die een kant en die ander vingers aan die ander kant oor die potlood.  Knyp die potlood tussen die wysvinger en duim vas, lig die agterkant op en oor tot in die webspasie.  Siedaar!  As jy nou die “okay”-teken met jou vingers moet maak, kan jy dit vorm sonder om vingers van die potlood te lig of om die potlood te laat val.  Jou duim maak ‘n perfekte bergpiek na buite.  Krul die middel-, ringvinger en pinkie liggies na jou handpalm en ontspan jou hand wanneer jy skryf.

Hoe lyk die duim as jy jou potlood vas hou?  Maak dit ‘n berg, duik dit in of staan dit stokstyf?

potloodoptel

Tik gerus soekterme soos “potloodgreep, handspier, skrif, skryf, patrone, abc, skryf, lopende skrif…knip, linkshandig” by die bruin soekblokkie aan die regterkant in vir soortgelyke idees.

Advertisements

herinnering

Lewer kommentaar


Ek geniet dit vreeslik om my hulpmiddels in klaskamers te sien. My blog is juis as ‘n aanvullende hulpmiddel vir juffrouens en ouers (meer spesifiek – die kinders) gestig.  Die blog is na bykans 10 jaar steeds ‘n gratis forum waar ouers en onderwysers gratis kan inloer en idees inwin.
…Sedertdien het heelwat juffrouens my produkte as hul eie begin/probeer verkoop. Alles op My Klaskamer (www.juffer.wordpress.com) is onderhewig aan kopiereg – of jy dit oor tik of nie. Ek is bewus van mense wat tans my materiaal in pakkette en huiswerkboeke gebruik. Daar is ook dié wat tans op Facebook daarmee spog as hul eie werk en in kusdorpies daarmee woeker.
Ek beantwoord alle navrae hier, per e-pos en op die sosiale media forums.  Plaas gerus skakels hierheen of na ‘n artikel op My Klaskamer.  Almal is welkom en ek sal steeds probeer om vrae so goed as moontlik te beantwoord.
Ek vra net dat my produkte nie herversprei of -verkoop sal word nie.

%d bloggers like this: