Loer gerus by My Klaskamer se winkelrak in om deur meer as 200+ produkte onder R60 te loer. Koekeloer, kies, laai in die trollie, koop en druk uit. Toets gerus eers met ‘n gratis item of twee 🙂
16 Dae
25 November 2021
afrikaans 16 dae, geweld, veilig Lewer kommentaar
Die 16 dae van aktivisme teen geweld (teen vroue en kinders) strek vanaf die 25ste November tot die 10de Desember. Hersien gerus noodnommers en veiligheidsmaatreëls. Weet die outjies wat geweld is en wat om te doen as hulle geweld sien of ervaar? Met wie kan hulle gesels? Bespreek gerus die konsepte tydens die volgende 16 dae.
Goedgesindheidsdag
13 November 2021
2021 goedgesindheid, Random Acts of Kindness Lewer kommentaar
Tydens die grendeltydperk(e) het verskillende idees wêreldwyd begin om ander te laat glimlag. Nie net hou hierdie idees die kleingoed besig nie, maar kan die idees ook ‘n ligpunt vir ander wees. Hou die projekte eenvoudig en haalbaar.
- Bou en verf ‘n houtkis as ‘n Honde Biblioteek – waar honde eienaars balle en stokke kan leen wanneer hulle in ‘n park of teen die see langs wil stap.
- Bou ‘n waterdigte kassie om as ‘n Gratis Bibliotekie te dien. Vul met vyf tot 10 boeke en moedig ander aan om boeke te ruil – Neem ‘n Boek, Skenk ‘n Boek.
- Skep ‘n Steggiebiblioteek – met steggies, nuwe plantjies of sade. Laat weet die bure dat hulle steggies kan kom haal of hul eie steggies daar kan deel.
- Verf ‘n ruit met oulike karakters, boodskappe of iets wat by die seisoen pas. Gebruik ‘n helder tipe verf wat maklik kan af was – soos akrielverf.
- Gebruik bordkryt om ‘n sensoriese wandelpad op die sypaadjie te teken of skep kunswerke op die inrit na jou skool of huis.
Kinderdag
12 November 2021
2021 kind, Kinderdag, kinderregte, kinders Lewer kommentaar
Wêreld Kinderdag word op die 20ste November gevier en is ook die dag waarop die Handves van Kinderregte aanvanklik erken is. Gebruik dalk die komende paar dae om Kinderregte te hersien of om die regte tydens skryf- en skrifwerk te betrek.
Ondersteuning of Intervensie Idees
11 November 2021
2021, afrikaans, Inklusiewe Onderwys intervensie, intervention, ondersteuning Lewer kommentaar
Ek het onlangs die volgende idees met Teacha! and Onnies Online gedeel. Loer gerus 🙂
Boelieteenkampingsweek
9 November 2021
afrikaans boelie, bullebak, bullebakkery, kuberboelie Lewer kommentaar
Die teenkampingsweek vir bullebakkery of boeliegedrag word elders gevier, maar ‘n mens kan van die geleentheid gebruik maak ook hier aandag daaraan te skenk. Bespreek gerus wat dit beteken, hoe dit lyk en wat ‘n mens kan doen om die gedrag teen te veg. Gesels oor boelies wat ‘n mens kan sien – asook boelies wat van sosiale media gebruik maak.
Wat is die reëls of verwagtinge in jul skool en wat kan kinders doen om hulp te bekom?
Redenaars 2022
14 Oktober 2021
afrikaans redenaars Lewer kommentaar
Die ATKV redenaarstemas vir volgende jaar is beskikbaar.
Huistaal Graad 1 tot 3
- Ore
- Groei
- Storie
Huistaal en Addisionele Taal Graad 4 en 5
- Boeke
- Patrone
- Groen
Huistaal en Addisionele Taal Graad 6 en 7
- Humor
- Digitaal
- Applous
Huistaal en Addisionele Taal Graad 8 en 9 (Voorbereid)
- Krake
- Gids
- Erfenis
Huistaal en Addisionele Taal Graad 10 tot 12 (Voorbereid)
- Keuses
- Grense
- Maatstaf
Onderwysersdag, 5 Oktober
4 Oktober 2021
afrikaans onderwyser, onderwyseres, onderwysersdag 2 Kommentaar
Vanjaar, is die tema “Teachers at the heart of education recovery”. Gebruik julle steeds afstandsonderrig of is julle reeds besig met intervensiewerk? Is daar leerders wat meer opvoedkundige agterstande as ander het? Hoe maak ‘n mens om almal optimaal te ondersteun?
Ek skat dat elke skool en situasie uniek is. Bekyk die planne wat jy en jou kollegas het en dink aan maniere om mekaar te ondersteun en te bemoedig. Maak ‘n ekstra sterk koppie koffie of tee en bederf jouself met ‘n ekstra stukkie koek of biltong. Hou moed 🙂
Soktober
3 Oktober 2021
afrikaans sokkies, soktober Lewer kommentaar
Tydens Soktober (Oktober), tel ons sokkies, tel ons sokkies op, versamel ons sokkies en skenk ons sokkies aan mense wat nie hul eie sokkies kan bekostig nie. Dink aan tehuise en organisasies in jul gemeenskap wat by hierdie projek kan baat vind en moedig die onderskeie klasse aan om ‘n sekere hoeveelheid sokkies bymekaar te maak. Daar is mos altyd ‘n verlore sokkie iewers 😉
Langnaweek
24 September 2021
Webwinkel afslag tot 50%
18 September 2021
My Klaskamer se webwinkel het ‘n nuwe funksie wat afslag met die merk van ‘n blokkie vergemaklik en ek het pas lekker gespeel.
Oogsorgmaand
15 September 2021
afrikaans ogies, oog, oogsorgmaand Lewer kommentaar
Oogsorgmaand begin eersdaags en fokus beide op oog gesondheid en visie of sig. Betrek gerus visuele persepsie take en oog-hand koördinasie aktiwiteite.
Is daar oogkundiges wat gratis oogtoetse in jou omgewing aanbied? Vra gerus en maak ‘n afspraak om moontlike uitvalle betyds aan te spreek.
Renoster
11 September 2021
afrikaans renoster, wilde diere Lewer kommentaar
Die 22ste September is Wêreld Renosterdag – ‘n dag ter bewusmaking van die beskerming en bewaring van renosters.
Dertien Jaar
8 September 2021
My Klaskamer is vandag 13 jaar gelede vir die eerste keer gepubliseer. Baie dankie vir jou ondersteuning. Loer gerus weer in.
Casual Day en Sonneblom Dag
27 Augustus 2021
afrikaans bandana, casual day, sonneblom, superheld, superhero Lewer kommentaar
Casual Day is vanjaar 27 jaar oud. Mense word aangemoedig om pers te dra (powerful purple) ter bewusmaking van mense met gestremdhede. Vanjaar val dit toevallig saam met die Paralimpiese Spele. Dra vanjaar sommer enige uitrusting wat jou ‘n ekstra huppel in jou stap gee.
Sonneblom dag het Bandana dag vervang, maar het steeds dieselfde doel voor oë.
Boomplantweek en Lente dag
27 Augustus 2021
2021, afrikaans blomme, boom, boomplantweek, Lente Lewer kommentaar
Boomplantweek strek vanjaar vanaf die 30ste Augustus tot die 5de September – met Lente dag op die 1ste September. Die algemene Boom van die Jaar is die Soetdoring en die skaarser boomsoort, is die Spekboom.
Verf ou koerantpapier in verskillende skakerings groen en bruin afsonderlik. Skeur en plak stukke boombas uit die bruin papier om ‘n boom met boomtakke te bou en bedek die lengte van die klasdeur daarmee. Sny blaarvorms uit die groen papier en plak die blare op die takke. Verdeel spesifieke boomsoorte (of seisoene) tussen die onderskeie klasse en verander die klasdeure in ‘n mini-woud. Indien moontlik, kan julle aspekte soos die belangrikheid van bome op die onderskeie blare skryf.
Kap ‘n gat in die bo- en onderkante van eiers en laat die inhoud in ‘n bakkie uitloop (om in ‘n ete te gebruik). Vul die eierdoppe met grond en ‘n saadjie. Stoor die gevulde eiers in ‘n eierhouer en maak nat. Sodra die saadjie begin ontkiem en groei, kan ‘n mens die eierdop kraak of kneus en in ‘n blompot of tuin plant. Die outjies kan natuurlik elkeen ‘n plantjie huis toe neem om daar te plant.
Skeur en plak kleurstroke uit tydskrifte of verf velle volgens verskillende kleure. Sodra die velle droog is, kan ‘n mens blomdele daaruit knip en op ‘n landskap of tuin agtergrond plak. Dink aan blomme soos tulpe, papawers, proteas en sonneblomme.
‘n Mens kan bekende skilders se kunswerke as inspirasie gebruik en gemengde media (potlood, verf en pastelle) gebruik om unieke, kleurvolle prente te skep. Loer gerus na voorbeelde van skilderye wat bome, bloeisels en blomme insluit om Lente dag én Boomplantweek te vier.
Nasionale Boekweek en Geletterdheidsdag
26 Augustus 2021
2021, afrikaans, lees boeke, boekweek, Geletterdheidsdag, sprokies, stories Lewer kommentaar
Vanjaar, is die tema van die Internasionale Geletterdheidsdag gefokus op “Literacy for a human-centered recovery: Narrowing the digital divide”. Hoe oorbrug julle moeilike situasies waar die skool nie ‘n goeie internettoegang of toestelle het nie?
Gebruik die eerskomende Boekweek om stories te lees wat in boekvorm én as rolprente of televisie stories beskikbaar is en kyk die rolprent/program weergawe Vrydag. Dink aan kinderboeke soos:
- Alice in Wonderland
- The Lorax
- Heidi (Engels)
- Ferdinand (the Bull)
- Horton hears a Who
- Pinocchio
- Peter Pan
- Sneeuwitjie
- Beauty and the Beast (Skoonlief)
- Aspoestertjie
- Paddington
- Matilda
- Winnie-the-Pooh
- The Jungle Book
- Mary Poppins
- Charlie and the Chocolate Factory
- Stuart Little
- Charlotte’s Web
- Peter Rabbit
- Mr Popper’s Penguins
- Wonder
Luisterboek:
Juffer
© My Klaskamer - idees en gedagtes uit 'n juffrou se pen 
Woorde