© Hierdie blog is onderhewig aan kopiereg. Geen hergebruik sonder toestemming.
April 22, 2024
afrikaans boeke, boeke dag, boeke nag, kopieregdag Lewer kommentaar
Op die 23ste April is dit Wêreld Boeke Nag en baie mense vier ook Wêreld Boeke Dag. Dit is ook Kopieregdag. Wat is dit en hoe kan ‘n mense met ouer kinders oor kopiereg gesels wanneer hulle navorsing doen en take skryf? Moedig gerus ‘n bronnelys of bibliografie aan.
Deel gerus ‘n leeslysboekmerkie, lees boeke op ‘n toestel (rekenaar, slimfoon, tablet), skakel die onderskrifte vir videos aan lees saam. Trek soos ‘n boekkarakter aan of versier die klasdeur soos jou gunstelingboek se voorblad.
Augustus 26, 2021
2021, afrikaans, lees boeke, boekweek, Geletterdheidsdag, sprokies, stories Lewer kommentaar
Vanjaar, is die tema van die Internasionale Geletterdheidsdag gefokus op “Literacy for a human-centered recovery: Narrowing the digital divide”. Hoe oorbrug julle moeilike situasies waar die skool nie ‘n goeie internettoegang of toestelle het nie?
Gebruik die eerskomende Boekweek om stories te lees wat in boekvorm én as rolprente of televisie stories beskikbaar is en kyk die rolprent/program weergawe Vrydag. Dink aan kinderboeke soos:
Luisterboeke:
April 18, 2021
2021, lees boeke, boeke nag, boekmerk, boekmerkies, lees Lewer kommentaar
Met Wêreld Boeke Nag, kan ons ‘n bietjie later wakker bly om ‘n gunstelingboek, rympies, lirieke en nog vele meer te lees. Maak gerus beurte en skryf alles neer wat julle kon lees.
Maart 3, 2020
afrikaans biblioteek, biblioteekweek, boeke, Boekedag Lewer kommentaar
Wêreld Boekedag is vanjaar op die 5de Maart en die Suid-Afrikaanse Biblioteekweek sal van die 16de tot die 22ste duur.
Dink aan ‘n tema vir Biblioteekweek, bv. Skatte, Sprokies, ens. Stal al die boeke wat by die tema inpas uit en lees soggens ‘n stukkie uit ‘n boek voor vir ‘n reg-raai kompetisie.
Vra opvoeders om hul gunstelingsprokies, ens. te noem en hou ‘n kompetisie om te kyk of die kinders die opvoeder en boeke bymekaar kan pas.
Versier die gange en klasdeure volgens die tema.
Hou ‘n leesmiddag en trek volgens die tema aan.
Nooi gaste (bekendes, ouers, besigheidsmense…uit die gemeenskap) om boeke aan die kinders voor te lees.
Besoek naburige tehuise om boeke aan die inwoners voor te lees.
Maak kontak met buurskole om boeke daar voor te lees of skryf briewe vir mekaar. Hou julle van dieselfde boeke? Watter karakters is jul gunstelinge?
Biblioteke verskil van plek-tot-plek. Hoe verskil die dorp se biblioteek van die skoolbiblioteek? Gaan lê besoek af en loer gerus 🙂
Stories op die Internet, Leeslyste, Stories in verskeie tale, Elektroniese Boeke, Boekmerkies
April 11, 2019
afrikaans, lees, storie boeke, boekmerkies, lees, wêreld boeke dag, wêreld boeke nag Lewer kommentaar
Dit is byna Wêreld Boeke Dag en Nag.
Februarie 21, 2018
lees biblioteek, boeke, boeke nag, Boekedag, boekmerk, leeslys Lewer kommentaar
1 Maart en 23 April word onderskeidelik as Wêreld Boekedag beskou. 23 April is ook Boekenag.
Het jy ‘n wenslys van boeke wat jy graag sou wou lees? Vir wie sou jy dit lees? Sou jy vir jou maat, ‘n onderwyser, ‘n troeteldier of ‘n speelding wou lees?
Wat kan jy lees? ‘n Digbundel, lirieke, stories, resepte, advertensies, die koerant, flitskaarte, ‘n tydskrif of wat van iets op ‘n tablet?
Trek soos jou gunstelingkarakter aan en vier dié dag op ‘n prettige wyse saam met jou klasmaats.
Maart 12, 2017
afrikaans biblioteek, biblioteekweek, boeke, boekopvoeding Lewer kommentaar
Biblioteekweek strek vanjaar van 18 tot 26 Maart.
Weet jy hoe om boeke in die biblioteek op te spoor? Ken jy die Deweystelsel? Wat is ‘n outeur, ‘n titel, illustreerder en ‘n uitgewer?
Hoe bêre ‘n mens ‘n boek en hoe haal jy dit uit die rak? Wikkel jy die boek uit of haak jy jou vinger bo by die rug in? Gooi jy boeke op die vloer neer of tel jy dit van die vloer af op?
Februarie 23, 2014
afrikaans boeke, Boekedag, lees 2 Kommentaar
6 Maart is Wêreld Boekedag en vanjaar is daar vele ekstra idees om in die klas te probeer.
Februarie 13, 2013
afrikaans boeke Lewer kommentaar
7 Maart is Wêreld Boeke Dag en 23 April is Wêreld Boeke Nag. Laasgenoemde blyk wel vir grootmense te wees, maar ‘n mens kan van enige dag ‘n leesdag maak!
Stel ‘n paar leeslyste beskikbaar vir ywerige lesers, laat hulle hul gunstelingboeke kom wys, hou ‘n spesiale leesuur of selfs ‘n marathon en laat ander onderwysers boeke in jou klas kom lees. As die skool die geriewe het, kan jy ‘n ouer selfs vra om deur middel van Skype ‘n boekie voor te lees. Trek aan soos ‘n gunstelingkarakter of die leesboekies se hoofkarakters (Biebie, Kalla, Boet, Saartjie, Kleinsus…) Maak opnames van die lesery en bou julle eie storie versameling op. As jou klas ‘n verveelde oomblik het, kan jy die video op die rekenaar of televisie wys. Hulle sal dit geniet om vir juffrou so-en-so, die snoepietannie of Meneer te sien.
Maart 19, 2011
afrikaans biblioteek, boeke, Dewey, lees, mediasentrum Lewer kommentaar
Biblioteekweek is weer hier en duur van 22 tot 26 Maart.
Januarie 12, 2011
afrikaans boeke, etiket, naamkaartjies, skool, skryfbehoeftes, voorblad Lewer kommentaar
Die skooljaar het al plek-plek begin en dit raak nou tyd vir boeke oortrek. In baie skole is daar spesifieke voorskrifte. As die skool dit toelaat, kan julle die volgende ontwerpe probeer…(Weereens voeg ek ‘n paar “groen” idees by om die beursies te laat asem haal.)
Die boeke:
1. Grawe in die motorhuis vir ou verf om hardebandboeke te verf. Plaas die boek oop – met die swart buiteblaaie na bo – bo-op ‘n ou koerant. Skuif ‘n koerantvel tussen die blaaie en die buiteblad in om die bladsye te beskerm. Gebruik lang hale van bo na onder en maak seker dat die verf nie tranerig voorkom nie. Jy kan verskillende kleure gebruik of sommer net een kleur. Sodra die boek droog is, kan jy dit met plastiek oor trek of met ‘n kleurlose vernis verf. Plastiek* bly egter ‘n wenner om die kleur skoon te hou en om te verseker dat die verf nie afskilfer nie. Akrielverf werk ook baie goed. (*Belê in duursame, dik oorglipplastiek wat jy in die toekoms kan hergebruik.)
2. Gebruik bruinpapier (of die gekleurde tipe) om boeke oor te trek – growwe kant na bo. Kies helder verf of kleure wat die outjie aan iets soos ‘n vakansie by die see (helder blou) sal herinner. As dit ‘n groot boek is (A4), kan Ma of Pa se hand geverf word. Druk ‘n handafdruk in die middel van die voorblad en een op die agterblad. Vir ‘n benoude outjie is ‘n herinnering aan sy mamma en pappa nogal gerusstellend. Gebruik die outjie se eie handpalm (of ‘n boetie / sussie s’n) vir A5-boeke.
3. Knip en plak: As jy baie kreatief wil wees, kan jy die bruinpapier met stukkies oorskiet geskenkpapier opkikker. Knip oulike prentjies uit en maak jou eie collage.
4. Rol- en drukwerk: Trek die boeke oor met een kleur. Sny ‘n kartelrand uit ‘n strook rubber, heg vas aan ‘n rollertjie (iets soos ‘n koekroller of ‘n glasbottel) en rol ‘n patroon oor die papier. As jy die driehoekige vlaggies gebruik, kan jy selfs ‘n naam in die vlaggies skryf.
Naamkaartjies:
1. Kies drukbare etikette en naamkaartjies op die internet.
2. Hartjies.
3. Skoolbusse.
4. Juffrou se boek.
5. Voëltjies (skryf op die magies)
7. Kies ‘n vel “scrapbook”-papier om ‘n vorm uit te knip soos ‘n hasie, vis of voëltjie. Sny dit uit en plak dit bo-op die bruinpapier as ‘n naamkaartjie.
Woorde:
Gebruik in jou eie voorblaaie. Kyk ook na boodskappies.
Pasop vir bonkige, knobbelrige etikette of lap-oortreksels. Wanneer die outjie moet skryf, kan dit ‘n tekstuur gee en inmeng met die netheid.
Augustus 5, 2010
afrikaans afrikaans, boeke, Boekedag, lees, onderrig, onderrigmedium, onderrigtaal, taal, taaldag 6 Kommentaar
Die 14de is Koop-‘n-boek-dag. Doen asseblief iets om ‘n liefde vir lees en vir tale aan te moedig.
Maart 8, 2010
afrikaans, inkleur + aktiwiteite, kinders, klaskamer, lees, ouers, skool, storie biblioteek, boeke, lees, lees is lekker, leesgenot, motiveer 2 Kommentaar
Dit is Biblioteekweek vanaf 15 tot 19 Maart. Wat kan jy doen om hierdie week te vier?
Januarie 3, 2010
afrikaans, herwinning, kinders, klaskamer, skool blik, boeke, fondsinsameling, glas, herbenutting, herwin, herwinning, papier, plastiek, tegnologie Lewer kommentaar
Ek het besluit om vanjaar ‘n herwinningsprojek aan te wakker in my klas. Die besluit is egter makliker as die “oorgaan in aksie”, maar tog behoort dit die moeite werd te wees om te probeer.
Wat kan ek alles herwin? Basies alles wat weggooibaar is in ‘n gewone klas. Kontak die volgende plekke om uit te vind waarheen jy die items kan neem of hou jou plaaslike koerant dop vir herwinningsdepots. Daar is dikwels fondsinsamelingsopsies betrokke.
Cambriarecyles gee oulike idees en lesse. Daar is selfs ‘n reseppie om jou eie papier te maak.
Vir lesidees en werkvelle is Kidzone, abcteach, mieliestronk en planet pals staatmakers. Ek het ‘n paar blogs en webwerwe raak gelees waar oulike en kreatiewe idees gegee word om te gebruik in leerareas soos tegnologie.
Wat van…?
Is daar ‘n paar juffrouens of mamma’s met oulike idees? Kyk sommer na Strijdom van der Merwe se kunswerke.
Volg die skakel en klik dan op die prente of flitskaarte.
Getalle vir beginners
Apps Sing saam
© My Klaskamer - idees en gedagtes uit 'n juffrou se pen 
Woorde