Tuis

Maart

3 Maart 2025

Juffer 2025 , , , , , , , , , , Lewer kommentaar


Versier t-hemde met boekvoorblaaie of gunstelingboekkarakters.

Spandeer op die 8ste Maart ‘n bietjie meer tyd om die dag vir die vroue (of meisies) in jou lewe interessant en lekker te maak. Nooi iemand vir koffie, deel blomme uit of gaan kuier by iemand wat soms eensaam is.

Fokus op velerlei wiskundige konsepte op Wêreld Wiskunde Dag. Skep stasies waar die outjies met sakrekenaars, vorms, werksvelle, tablette (toeps/apps), ensovoorts hul kennis kan verbreed.

Op die 20ste, dink ons aan mense, dinge en oomblikke wat ons gelukkig maak. Hoe kan jy ander se dag ophelder?

Dra op Downsindroomdag prettige sokkies of geel en blou klere. Leer ‘n bietjie meer en lees stories aan die klas voor.

Hersien vandag die verskillende Menseregte en bespreek die Kinderregte (Engels) ook. Waarom is Kinderregte so belangrik?

Hoe bespaar julle water by die skool en by die huis? Hoe kan ‘n mens ander help wat met watersnood worstel?

Ons vier Earth Hour op die 22ste Maart. Beplan ‘n speletjiesaand of ‘n braai by kerslig 😊

Biblioteekweek val so saam met die einde van die eerste kwartaal – ‘n ideale tyd om assesseringsdae met leeswerk af te wissel. Is dit tyd om julle biblioteek op te knap of ‘n fondsinsameling te hou? Skep dalk ‘n tema vir Biblioteekweek. Hou dan inkleurkompetisies, stal boeke oor die tema uit, versier die gange en deure volgens die tema en trek volgens boekkarakters aan.

Dra pers op die 26ste Maart en kom meer te wete oor Epilepsie – veral die soorte wat in jou skool voor kom.

Sprokiesdag, Wêreld Boekedag, Biblioteekweek

21 Februarie 2023

Juffer 2023 , , , , , Lewer kommentaar


Die 26ste Februarie is Sprokiesdag. Lees ‘n sprokie of luister na een. Op die 2de Maart, vier ons Wêreld Boekdag. Biblioteekweek duur van die 20ste tot die 26ste Maart. Vanjaar fokus Biblioteekweek op kragtige of ”powerful” stories. Waar kry ‘n mens dit? Dink aan boeke oor kinderhelde of biografieë en spandeer ‘n periode of twee om ‘n goeie boek te lees.

Boeke, Boeke, Boeke

17 Februarie 2022

Juffer afrikaans , , , , , Lewer kommentaar


Tydens die eerskomende Biblioteekweek fokus ons daarop om die biblioteekdienste te herontdek. Daar is ‘n Boeke Dag op die 3de Maart (Verenigde Koninkryk) en een op die 23ste April. Die 23ste April dien ook as Boeke Nag – wanneer ‘n mens ‘n lees aand by die skool of tuis kan reël.

boeke-dag-boeke-nag-biblioteekweek-boekmerkiesLaai Af

Moedertaaldag, Boekedag en Biblioteekweek

20 Februarie 2021

Juffer 2021, lees , , , Lewer kommentaar


Moedertaaldag word op die 21ste Februarie gevier. Daarna volg Wêreld Boekedag op die 4de Maart en duur die Suid-Afrikaanse Biblioteekweek van die 15de tot die 21ste Maart. Gebruik gerus hierdie volgende paar weke om klanke te hersien, flitskaarte te lees, sigwoorde te hersien, rympies, lirieke en stories te lees of om na stories te luister. Maak boekmerkies en vertel mekaar van goeie leesreekse of interessante boeke. Kan julle Afrikaanse en Engelse weergawes van dieselfde stories vind? Is daar weergawes in ander tale beskikbaar?

Stap deur die biblioteek en verduidelik weer aan die outjies waar om boeke te vind of hoe om spesifieke boeke op te spoor. Neem beurte om na voorlesings in die biblioteek te luister en deel gerus ook video opnames met die onderskeie klasse. Is daar ouers of lede van die gemeenskap wat sal deelneem en opnames deel? Dit kan ‘n lekker interaktiewe projek word.

Lekker lees!

Boekedag en Biblioteekweek

3 Maart 2020

Juffer afrikaans , , , Lewer kommentaar


Wêreld Boekedag is vanjaar op die 5de Maart en die Suid-Afrikaanse Biblioteekweek sal van die 16de tot die 22ste duur.

Dink aan ‘n tema vir Biblioteekweek, bv. Skatte, Sprokies, ens. Stal al die boeke wat by die tema inpas uit en lees soggens ‘n stukkie uit ‘n boek voor vir ‘n reg-raai kompetisie.

Vra opvoeders om hul gunstelingsprokies, ens. te noem en hou ‘n kompetisie om te kyk of die kinders die opvoeder en boeke bymekaar kan pas.

Versier die gange en klasdeure volgens die tema.

Hou ‘n leesmiddag en trek volgens die tema aan.

Nooi gaste (bekendes, ouers, besigheidsmense…uit die gemeenskap) om boeke aan die kinders voor te lees.

Besoek naburige tehuise om boeke aan die inwoners voor te lees.

Maak kontak met buurskole om boeke daar voor te lees of skryf briewe vir mekaar. Hou julle van dieselfde boeke? Watter karakters is jul gunstelinge?

Biblioteke verskil van plek-tot-plek. Hoe verskil die dorp se biblioteek van die skoolbiblioteek? Gaan lê besoek af en loer gerus 🙂

Stories op die Internet, Leeslyste, Stories in verskeie tale, Elektroniese Boeke, Boekmerkies

Wêreld Boekedag

21 Februarie 2018

Juffer lees , , , , , Lewer kommentaar


1 Maart en 23 April word onderskeidelik as Wêreld Boekedag beskou.  23 April is ook Boekenag.

lekker om te lees [boekmerk]

Het jy ‘n wenslys van boeke wat jy graag sou wou lees?  Vir wie sou jy dit lees?  Sou jy vir jou maat, ‘n onderwyser, ‘n troeteldier of ‘n speelding wou lees?

Wat kan jy lees?  ‘n Digbundel, lirieke, stories, resepte, advertensies, die koerant, flitskaarte, ‘n tydskrif of wat van iets op ‘n tablet?

Trek soos jou gunstelingkarakter aan en vier dié dag op ‘n prettige wyse saam met jou klasmaats.

Tik gerus soekterme soos “lees, komponente, flits, sigwoord, leeslys, leesreeks, boeke dag, boeke nag, boekmerk, biblioteek…” by die bruin soekblokkie aan die regterkant in vir idees uit vorige jare.

 

Luidlees-, Moedertaal- en Wêreld Boekedag

8 Februarie 2017

Juffer afrikaans , , , 4 Kommentaar


luidleesmoedertaalboekedag

Die volgende maand is deurspek met lees-, taal- en boekgenot:  Luidlees-, Moedertaal- en Wêreld Boekedag vind binne enkele dae na mekaar plaas.

1.  Bou woorde met los kaartjies:

  • Gebruik klankkaartjies* om sigwoorde, spelwoorde en sinne na te bou.
  • Neem die woorde af en druk die foto’s op A4-velle uit of…
  • Plak die woordbouwerk op groot velle papier om die spogwerk teen mure aan te bring.
  • Bou die name van gunstelingboeke.
  • Bou kort gediggies.
  • Bou liedjies.

2.  Maak boekmerke:

  • Vir persoonlike gebruik.
  • Vir die klas se leeshoekie.
  • Vir die biblioteek.
  • Om aan ‘n ander klas of graadgroep te gee.

3.  Hou ‘n muntlegging vir nuwe leesboeke.

4.  Begin ‘n tradisie waar kinders leesboeke of ‘n geldjie skenk wanneer hulle verjaar.  (As die outjie 7 jaar oud word – R7, ens.)

5.  Sny oulike artikels uit ou tydskrifte om in ‘n leesbundel te bind of plaas dit in ‘n plastieklêer (flip file) in die leeshoekie.

6.  Stel ‘n aftelwekker (timer) waartydens die outjies lees.  Indien hulle daarin slaag om stilletjies vir byvoorbeeld 5, 10, 15 of 20 minute te lees, kan Juffrou of die skoolhoof later in die dag vir die klas ‘n storie lees.

7.  Maak ‘n groot kopie van ‘n gunstelingboek se voorblad om op die klasdeur te plaas.  Die Grondslagfase kan byvoorbeeld boeke uit hul leesreekse kies en pastelle, vetkryt en verf gebruik om die groot deurprent mee mooi te maak.  Na afloop van die spesiale dae, kan die prente dan na die biblioteek skuif en gereeld om geruil word.

8.  Laat die outjies byvoorbeeld aan oulike plekke dink waar hulle graag sou lees (ook saam met wie, vir wie, wanneer, ens.).  Neem ‘n foto van die outjie, druk dit op ‘n bladsy (groot of klein) en voeg die sin by.  Bv. Ek lees graag op die swaai.  Ek lees graag op die mat.  Betrek bekende sigwoorde of gebruik selfs die tweede taal.  Bv.  Ek lees graag op die blou mat.  I love to read on the blue swing…Bring die mini-stories teen die gangmure aan of bind dit in ‘n boekie.  Indien dit op ‘n karton (manilla – dalk A6-grootte) gedruk word, kan ‘n mens die individuele foto’s of kaartjies as boekmerke gebruik.

9.  Daar is deesdae stories op Android en Apple toestelle beskikbaar – asook stories op die internet om vir die klas te speel.  (Loer gerus ook na hierdie e-boeke.)

10.  Indien jy ‘n slimfoon of tablet het, maak hierdie dokument oop en gebruik die QR Leser om  na die stories te kyk.

11.  Geniet die outjies rympies?  Vergroot die rympies tot een rympie per bladsy en lamineer of plaas dit in ‘n lêersakkie.  Sódoende kan dit apart of in ‘n lêer gestoor word.  ‘n Mens kan dieselfde met die lirieke van gunstelingliedjies doen.

12.  Het jul skool ou ensiklopedieë?  Merk bekende onderwerpe met boekmerke, sodat die outjies self kan lees.

Sien gerus ook vorige skrywes soos die volgende en tik soekterme soos “ABC, flits, sigwoorde, hersien, lees, Luidleesdag, Moedertaaldag, Boekedag, boekmerk” by die bruin soekblokkie aan die regterkant in vir soortgelyke idees:

Lees: motivering en aanmoediging

I love to read, Ek lees graag, *a-z-kaartjies, Versprei die boodskap

Lekker lees en loer gerus weer in 😉

Boekedag

2 Maart 2016

Juffer afrikaans Lewer kommentaar


boekedag

Tik gerus soekterme soos “boekmerk, boekedag, biblioteek, lees, klanke, sigwoord, Engels…” by die bruin soekblokkie in vir verskeie idees.

Boekedag, 6 Maart

23 Februarie 2014

Juffer afrikaans , , 2 Kommentaar


boekedag

6 Maart is Wêreld Boekedag en vanjaar is daar vele ekstra idees om in die klas te probeer.

  • Verdeel die klanke wat reeds aangespreek is (hetsy enkel-, dubbel-, twee- of drieklanke) en laat die kinders volgens die klanke aan trek – bv. a vir appel, akkers, anker, aartappel, b vir bal, bok, ballonne.  Sien alfabet rympies vir inspirasie.
  • Kies ‘n boek per klas.  Elke klas trek dan volgens die boekkarakters aan en versier die klasdeure.  Neem foto’s en versier die gangmure, biblioteek of kennisgewingborde om die boeke aan ander bekend te stel.  Onthou om die titel by te voeg.
  • Druk of maak boekmerkies om uit te deel.

 

Kies en spasieer verskeie boekmerkies op ‘n A4-bladsy.
Boekmerk witBoekedag Boekmerk wit Boekedag Boekmerk

TAAL- én Boekedag, 14 Augustus

5 Augustus 2010

Juffer afrikaans , , , , , , , , 6 Kommentaar


Die 14de is Koop-‘n-boek-dag.  Doen asseblief iets om ‘n liefde vir lees en vir tale aan te moedig.

Screen Shot 2015-07-29 at 9.22.35

  • Hou ‘n leesuur.  Laat almal toe om ‘n kussing of kombers te bring en lees die kleingoed se gunstelingboeke voor…of
  • kry iemand uit die gemeenskap om die boeke te lees.
  • Laat die kleingoed kreatiewe stories skryf en bind dit in groot boeke.  Maak ‘n paar afskrifte, versier met kleurvolle kinderkuns en skenk dit aan gemeenskapsentrums (wagkamers, ouetehuise…).  Tydskrifte is mos tog te vervelig! 😉
  • Laat die kleingoed ekstra oulike stories skryf, versier die blaaie en plak dit in die gang op sodat ander maats dit in die verbygang kan lees.
  • Vra die opvoeders om stories te skryf en bind dit in ‘n klein boekie (‘n A4-vel voor en agter , wat in ‘n A5-grootte gevou word is voldoende).
  • Vra die Intersen personeel om vir die kleintjies te lees en die Grondslagfasepersoneel om vir die ouer kinders te lees.  Die groottes verlang mos na die juffrouens en die kleintjies sal “groot” en “belangrik” voel as meneer so-en-so vir hulle kom lees.
  • Kies ‘n tema per klas, skryf kreatiewe stories daaroor, versier die klas volgens die tema en trek daarvolgens aan.  Kies een storie per klas om vir die ander klasse voor te lees.  Volg dan die Vrydag, die 13de, ‘n leesprogram waar die klasse vir mekaar lees – binne die graad of fase.  Die “gehoor” luister na ‘n leser terwyl die hele klasse op die verhoog is vir ondersteuning.
  • Hou ‘n muntlegging vir nuwe biblioteekboeke…of
  • verkoop Milo by die leesuur.
  • Besoek ‘n literêre instelling soos die Taalmuseum.
  • Kry ‘n spreker soos ‘n skrywer van kinderboeke om te gesels oor die lekkerte van lees.