Die jaar begin stadig maar seker stoom af blaas. Loer gerus na inskrywings oor rapporte, die versiering van rapportkoeverte, die moontlikheid van herhaling en Kersfees. Tik gerus soekterme soos “Kersfees, Bybel, somer, die see, klanke, hersien, wiskunde huiswerk, vraestelle, JNA, studiemetodes, eksamen, CAPS” by die bruin soekblokkie aan die regterkant in en loer gerus ook na die onderskeie skakels wat aan die regterkant gelys is.
Ons het almal verlore en verdwaalde sokkies iewers in ‘n laai. Grawe hulle uit en skenk die onpare (of selfs nuwe pare) aan welsynsorganisasies. ‘n Onpaar sokkies kan ‘n paar voete warm hou.
Bome verhoed erosie, verskaf suurstof en skaduwee, word gebruik om papier te maak en hout word in meubels, geboue en bote gebruik. Boomplantweek is ‘n gulde geleentheid om ‘n nuwe boom te plant, een te borgof om voeding en kompos by bestaande bome te voeg.
Tik gerus soekterme soos “e klink soos i, kappie, meervoud, verkleinwoord, f en v, woordeinde, b en d, omkering, rym, Engels, dubbelklank, tweeklank, drieklank, klanksamevloeiing, klanke, hersien, sigwoord, flits” by die bruin soekblokkie aan die regterkant in vir eenvoudige spelwyses en idees.
Pak letterstempeltjies, -plakkers en stensils uit, knip menigte tydskrifopskrifte op in woorde of letters, pak woord- en spelspeletjies uit en gee die geleentheid om muurprente te skep. Skryf rympies, gedigte, trefwoorde of nuwe woorde se betekenisse. Stel spesifieke leesperiodes in of leer woorde in ander tale. Hierdie week is ‘n pretweek om boeke te geniet.
Tik gerus soekterme soos lees, boek, sigwoord, flits, boekmerk, rym, klanke, hersien, Engels, komponente, biblioteek…by die bruin soekblokkie aan die regterkant in vir verskeie idees uit vorige vieringe.
Sonneblomdag vervang nou die bekende Bandanadag en word op die 16de September gevier. ‘n Mens kan dalk sade of klein plantjies verkoop as ‘n fondsinsamelingsprojek ten bate van die Sonneblomfonds.
Ontkiem sonneblomsade in watte of grond binne-in ‘n oop glasflessie of deursigtige plastiekglasie. Wanneer die plantjie sterk genoeg is, kan ‘n mens dit in die tuin of diep blompotte oorplant.
Sonneblomme maak pragtige kunswerke. Dink net aan Van Gogh se skilderye. Gebruik pastelle of dik, pastaverf in skakerings van son- of eiergeel, grasgroen, koningsblou, bruin, swart en wit. Teken die buitelyne met ‘n potlood en begin inkleur. Werk in dieselfde rondings en rigting as die buitelyne en betrek verskillende skakerings van geel in die blomblare, skakerings van groen in die stingel en skakerings van bruin in die blomkop. Gebruik skakerings van blou (met wit) in die lug en hou die kwashale of lyne skerp en duidelik. Geen vermenging.
‘n Mens kan groot bladsye vooraf voorberei deur die lug en grond (gras) met dwars hale of lyne te bedek. Teken of verf die sonneblomme apart, knip uit en plak dit bo-op die droë agtergrond. In plaas van geverfde blomme, kan ‘n mens ook oranje en geel bottelproppies gebruik. Vou koffiefilters herhaaldelik in die helfte totdat daar slegs ‘n smal strokie oor is, vou dit oop en plaas op ‘n bord of ‘n plat bak met ‘n bietjie water daarin. Drup eiergeel voedselkleursel (met ‘n bietjie bruin verf by gemeng) in die middel van die filter en kyk hoe dit versprei. Gebruik die filterblomme bo-op die agtergrond sodra dit droog is.
Bedruk kurkdrupmatjies met verskillende skakerings bruin verf. Knip sonneblomblare uit geel viltlap, vou die reguit randjie toe en gom of kram dit vas. Knip ‘n stingel en blare uit groen viltlap. Spasieer die geel blare en stingel om te drupmatjie en plak die matjie bo-op die lap. ‘n Mens kan ook snesiepapier of gewone geel papier gebruik (skeur en plak).
Tik gerus soekterme soos “lente, bandana, bye…” by die bruin soekblokkie aan die regterkant in vir soortgelyke idees.
Dit is tweelingnaweek! Ken jy ‘n tweeling? Is dit twee sussies, twee boeties of een van elk? Is hulle identies? Wat beteken identies? Hoeveel tweelinge is daar in jou klas of skool?
Kan jy identiese prente of enige prente van ‘n tweeling kry? Plak dit hier: twee two
Merk die 14de Augustus op jou kalender, want op hiérdie dag vier ons Afrikaans as taal en koop ons Afrikaanse boeke (lees-, werk-, e-, handboeke, ens.; oud en nuut). Dit is ‘n Sondag. ‘n Mens kan die dag van die Vrydag tot die Maandag rek.
Plaas nota’s op die kennisgewingsbord om die outjies te motiveer om verskillende boeke te lees en aan te beveel. Maak ‘n afskrif van die boek se omslag en plaas dit daarby, plak die nota met maskeerband in die boek vas of plak dit op die klasdeur sodat ander kinders ook kan lees.
Watter boek het die outjies die meeste geniet? Kan julle nog iets deur dieselfde skrywer opspoor? Lekker lees!
Tik gerus soekterme soos Boekedag, Boekenag, Biblioteek, Toep, e-boek, boekmerk, stories by die bruin soekblokkie aan die regterkant in vir verskillende idees.
Woorde