Menseregtedag word op die 21ste Maart gevier. Vind hiermee ‘n paar riglyne om in skole te gebruik.
Waterweek
Maart 11, 2017
afrikaans water, waterweek Lewer kommentaar
Dit is binnekort waterweek – wanneer ons mekaar aan die waarde van water en die belangrikheid van besparing herinner. Loer gerus na vorige jare se idees en ook na hierdie skakels vir meer inligting om te betrek.
- Waar kom water vandaan? (Gauteng)
- Water-voogdyskap in die Wes-Kaap
- Die water situasie (gebruik)
- Riviere en Damme
- Werk om ‘n gesonde en skoon gemeenskap te bou
- Opvanggebiede, Volhoubaarheid en die Reserwe
- Vasvra
- Wenke om water te bespaar
- Bespaar so
Downsindroom
Maart 10, 2017
afrikaans Down, Downsindroom 2 Kommentaar
Hou ‘n fondsinsamelingsdag deur onpaar of helderkleurige sokkies te dra ten bate van Downsindroom SA of ten bate van hulpmiddels vir leerders met Downsindroom in jou skool.
Ondersteuning
Maart 7, 2017
afrikaans fynspier ontwikkeling, lsen, olso, oog-hand koördinasie, outisme, sensories, taktiel Lewer kommentaar
Van my leerders benodig alternatiewe hulpmiddels en idees om hul skooldag makliker te maak. Sommige outjies is tasdefensief en hou nie van sekere teksture nie (bv. etikette in klere, growwe papier, klei), ander hou nie van sekere geluide nie (bv. skril skree geluid van ‘n foutiewe klankstelsel of interkom), ander sukkel om te fokus, party benodig speelgoed om mee te vroetel, party kort bewegingsbreuke, ens. Wat kan ‘n mens doen om die dag meer suksesvol te maak?
Heelwat kinders gebruik ‘n vroetelspeelding om die hande besig te hou. Vir die outjies wat nie van sekere teksture hou nie, het ons slym of flubber gemaak en binne-in ‘n geseëlde sakkie* gebêre. Hulle speel dus met die sakkie – eerder as met die slymerigheid self. Soms lees die outjies die resep voor en ander kere gooi hulle die droë bestanddele by, maar hoe dit ookal sy…daar is blootstelling. Die slym of flubber is ‘n snaaksigheid en die outjies geniet dit om die resepte vir die ander maats te maak. Ons het onlangs ‘n druppel vanieljegeursel, kaneel, skeerroom en haaropknapper liggies of bietjie-vir-bietjie by onderskeie mengsels gevoeg en die outjies het beslis meer aandag aan die mengsels geskenk. Nie net is die spelery ‘n goeie fynspier aktiwiteit nie, maar hou dit hulle gefokus tydens luistertake. Elkeen kry ‘n stukkie om mee te speel.
‘n Mens kan natuurlik koekiedrukkers betrek, woorde met lettervorms bou of somme met syfervorms uitlê. Indien die outjie lang wurms vorm, kan ‘n mens spesifieke letters, vorms, syfers, ens. probeer vorm. 
In plaas van die slym of flubber, kan ‘n mens meel met ‘n tregter in ‘n ballon ingooi en die ballon toeknoop. Die outjie gebruik dit dan soos ‘n stresballetjie. Gebruik ook gladde of stekelrige rubberballetjies, ryg krale aan ‘n tou-armband, rubber potloodgrepies of gebruik stukkies mediese/chirurgiese pyp of buise. Die mediese pyp/buise kan ook om stoel- of tafelpote gebind word om teen te skop of om die voete op te rus – indien theraband nie beskikbaar is nie.
Jelliekrale is baie gewild. Ons meng soms gelyke dele mielieblom en haaropknapper in ‘n kleinerige, waterdigte sakkie en voeg slegs ‘n paar jelliekrale by. ‘n Mens kan ook ‘n doolhof buite-op ‘n groot seëlbare sak teken of met stroke maskeerband plak. Maak dan slym met kleurlose gom en beweeg ‘n jelliekraal binne-in die mengsel en binne-in die sakkie deur die doolhof.
Vir die outjie wat gril vir die tekstuur van sekere boeke se blaaie, gee ons handskoene (met of sonder vingerpunte), ‘n knipbord om die boek mee vas te hou of ons plaas die los bladsye in ‘n lêersakkie.
Vir die outjie wat sensitief is vir harde of skril geluide, hou ons oorbeskerming naby of ons laat hom ver van die interkom af sit.
‘n Hangmat werk goed vir ‘n paar minute se eie tyd en werk soms goed as ‘n binneshuise swaai. Sommige outjies geniet ‘n hop– of ‘n groot jogabal (om oor te lê, te bons, op en af teen die muur te rol…) en ander wil net vir ‘n paar minute eenkant sit. Die vollengte spieël kry baie aftrek en een outjie geniet dit om op ‘n balanseerbord te staan terwyl hy gesels.
Hierdie spesiale speeltye word gewoonlik beperk tot ‘n paar minute (2 – 5) wanneer die skoolwerk (of afdelings) klaar is.
Gesels gerus met ‘n arbeidsterapeut om idees nommerpas vir jou klas te beplan. Watter idees gebruik julle?
*As die sluitaksie lek, vou dit om en seël met duct tape.
Gelukkig
Maart 6, 2017
afrikaans behoort, emosies, geluk, gelukkig, hoort Lewer kommentaar
20 Maart is die Internasionale Dag van Geluk. Fokus op emosies en op dinge wat ‘n mens se lewe verryk. Wat laat jou voel asof jy behoort of inpas? Wat kan jy doen om ander te betrek?
Skryf in
Februarie 26, 2017
afrikaans skryf in Lewer kommentaar
Gaan die outjie binnekort laerskool, hoërskool of na ‘n ander skool toe skuif? Begin nou al ondersoek instel na die inskrywingsproses vir volgende jaar. Dit begin jaarliks vroeër.
klanke, spelwoorde, syfers, vorms, patrone
Februarie 22, 2017
afrikaans Graad 1, Graad 2, Graad R, hersien, klanke, patrone, sensories, sintuie, syfers, vorms, woorde Lewer kommentaar
Probeer om soveel sintuie as moontlik te betrek en gee vir die outjie ‘n verskeidenheid maniere om die werk te hersien.
Ons skryf dikwels die woorde groot op “flitskaarte” (gebruik sommer ou papbokse en dergelike kartonnetjies) en verf dan pofferige verf met ‘n oorstokkie bo-oor. Die outjie kan dit self in die mikrogolfoond plaas en laat verhard (onder toesig). Sodra dit afkoel, kan hy bo-oor die woorde voel of ‘n bladsy bo-oor plaas en met ‘n vetkryt inkleur om ‘n afdruk te maak.
Plaas die woorde sigbaar teen die muur en gee vir hom/haar meel, suiker of klei om in/op te skryf of waarmee hy die woorde kan vorm en kopieer. Skryf of teken die los letters, syfers, vorms en patrone groot op ‘n bladsy. Trek dit na met ‘n gomstiffie en strooi dán die suiker of sand bo-oor.
Die los kaarte kan gekram word om dit sommer in die motor te hersien.
Die los letters van “Scrabble” werk goed. Kyk sommer hoeveel punte elke “Scrabble”-spelwyse tel vir ‘n bietjie wiskunde hersiening.
‘n Ander idee is om ‘n groot vel tinfoelie op ‘n skinkbord/tafel te plaas. Spuit skeerroom daarop (‘n bietjie) en laat die outjie dan die woorde daarin skryf – met die vinger of ‘n kwas.
Op SENTEACHER.org, kan julle jul eie “woordsoeke” skep, sodat die outjie sy woorde só soek en hersien. Fokus aanvanklik net op horisontale woorde, dan ook vertikale woorde en heelwat later – diagonale woorde.
Loer gerus ook na hierdie opsies en tik ook soekterme soos syfers, skrif, skryf, klanke, hersien, dubbelklank, tweeklank, drieklank, klanksamevloeiings, vorms, patrone, flits, sigwoorde, robotkaart…by die bruin soekblokkie aan die regterkant in.
Idees vir die tuisklaskamer, Tuis idees, Hersien, Klanke
Luidlees-, Moedertaal- en Wêreld Boekedag
Februarie 8, 2017
afrikaans Boekedag, lees, luidleesdag, moedertaaldag 4 Kommentaar
Die volgende maand is deurspek met lees-, taal- en boekgenot: Luidlees-, Moedertaal- en Wêreld Boekedag vind binne enkele dae na mekaar plaas.
1. Bou woorde met los kaartjies:
- Gebruik klankkaartjies* om sigwoorde, spelwoorde en sinne na te bou.
- Neem die woorde af en druk die foto’s op A4-velle uit of…
- Plak die woordbouwerk op groot velle papier om die spogwerk teen mure aan te bring.
- Bou die name van gunstelingboeke.
- Bou kort gediggies.
- Bou liedjies.
2. Maak boekmerke:
- Vir persoonlike gebruik.
- Vir die klas se leeshoekie.
- Vir die biblioteek.
- Om aan ‘n ander klas of graadgroep te gee.
3. Hou ‘n muntlegging vir nuwe leesboeke.
4. Begin ‘n tradisie waar kinders leesboeke of ‘n geldjie skenk wanneer hulle verjaar. (As die outjie 7 jaar oud word – R7, ens.)
5. Sny oulike artikels uit ou tydskrifte om in ‘n leesbundel te bind of plaas dit in ‘n plastieklêer (flip file) in die leeshoekie.
6. Stel ‘n aftelwekker (timer) waartydens die outjies lees. Indien hulle daarin slaag om stilletjies vir byvoorbeeld 5, 10, 15 of 20 minute te lees, kan Juffrou of die skoolhoof later in die dag vir die klas ‘n storie lees.
7. Maak ‘n groot kopie van ‘n gunstelingboek se voorblad om op die klasdeur te plaas. Die Grondslagfase kan byvoorbeeld boeke uit hul leesreekse kies en pastelle, vetkryt en verf gebruik om die groot deurprent mee mooi te maak. Na afloop van die spesiale dae, kan die prente dan na die biblioteek skuif en gereeld om geruil word.
8. Laat die outjies byvoorbeeld aan oulike plekke dink waar hulle graag sou lees (ook saam met wie, vir wie, wanneer, ens.). Neem ‘n foto van die outjie, druk dit op ‘n bladsy (groot of klein) en voeg die sin by. Bv. Ek lees graag op die swaai. Ek lees graag op die mat. Betrek bekende sigwoorde of gebruik selfs die tweede taal. Bv. Ek lees graag op die blou mat. I love to read on the blue swing…Bring die mini-stories teen die gangmure aan of bind dit in ‘n boekie. Indien dit op ‘n karton (manilla – dalk A6-grootte) gedruk word, kan ‘n mens die individuele foto’s of kaartjies as boekmerke gebruik.
9. Daar is deesdae stories op Android en Apple toestelle beskikbaar – asook stories op die internet om vir die klas te speel. (Loer gerus ook na hierdie e-boeke.)
10. Indien jy ‘n slimfoon of tablet het, maak hierdie dokument oop en gebruik die QR Leser om na die stories te kyk.
11. Geniet die outjies rympies? Vergroot die rympies tot een rympie per bladsy en lamineer of plaas dit in ‘n lêersakkie. Sódoende kan dit apart of in ‘n lêer gestoor word. ‘n Mens kan dieselfde met die lirieke van gunstelingliedjies doen.
12. Het jul skool ou ensiklopedieë? Merk bekende onderwerpe met boekmerke, sodat die outjies self kan lees.
Sien gerus ook vorige skrywes soos die volgende en tik soekterme soos “ABC, flits, sigwoorde, hersien, lees, Luidleesdag, Moedertaaldag, Boekedag, boekmerk” by die bruin soekblokkie aan die regterkant in vir soortgelyke idees:
Lees: motivering en aanmoediging
I love to read, Ek lees graag, *a-z-kaartjies, Versprei die boodskap
Lekker lees en loer gerus weer in 😉
Valentynsdag
Januarie 31, 2017
afrikaans Valentyn, Valentynsdag Lewer kommentaar
-
Vlaggies om jou klas te versier: Druk op rooi of wit papier en kram oor ‘n lintjie vas.
-
Bou woorde met hartjie-klanke…om spelwoorde te oefen, plak op muurprente of ryg die woorde aan linte ter versiering…
-
of hou ‘n veelvoudige keuse klasvasvra. Gee vir die kinders die klanke of letters van A tot D en laat hulle die antwoorde oplig. [harte 1, harte 2]
-
Ryg getalle in ‘n eie getallyn in.
-
Flits vir die outjies somme binne die getalgebied 1 – 10 en laat hulle die antwoord vir jou wys.
- Joh 3:16
- Valentyn
- Valentine
Versierings (vlaggies), Wiskunde (+, -, x…) in die getalgebied 1- 10 en 1- 100, Klanke, Vriendskapswerk [Engels / Afrikaans]
Ouer idees:
Skrifdag, 23 Januarie
Januarie 22, 2017
afrikaans Graad 1, Graad 2, Graad 3, Graad 4, handskrif, skrif, skrifdag, skryf 2 Kommentaar
Vind hiermee ‘n paar skakels in verband met skrif ingesluit. Tik gerus ook soekterme soos “knip, perseptuele, skrif, skryf, handspier, patroon, patrone, syfers, tuis…” by die bruin soekblokkie aan die regterkant in (of loer na die “Drukbare Bladsye“-hofie) vir meer idees.
- Robotkaarte (drukskrif / lopende skrif)
- Potloodgreep
- Drukskrif Bladsy
- Handwriting
- Lopende Skrif Bladsy
- Cursive Writing
- ABC Skryf
- Graad 1 Handskrif (riglyne)
- Graad 2 Handskrif (riglyne)
- Graad 3 Handskrif (riglyne)
- Lopende Skrif
- Lopende Skrif Kleinletters
- Maak vandag kleiwurmpies om verskillende klanke, patrone en syfers te vorm. Ons het kleimatjies in lêersakkies gehou en dan die kleiletters daarop gevorm.
- Maak soutkleiletters om name te vorm.
- Druk die outjies se name in groot letters, verf met pofferige verf en trek met die vinger bo-oor die letters.
- Gebruik flubber soos gewone speelklei. Druk die week se woorde met koekiedrukkers of lettermagnete daarop en .
- Tel speelgoed met ‘n tangetjie op.
- Bou magneetwoorde op die skryfbord – na aanleiding van bekende getalname, lees- en sigwoorde.
skouer aan die wiel
Januarie 16, 2017
Met die aanvangs van die skooljaar, is daar so ‘n paar nuwe goedjies beskikbaar – hier in My Klaskamer en ook in my winkeltjie. Klik gerus op die volgende skakels en tik ook soekterme* by die bruin soekblokkie aan die regterkant van my blog in vir velerlei idees en drukbare opsies.
- Laai temaprentjies vir jou voorskoolse klas af en kyk ook na die ander opsies.
- Verjaarsdagkaarte (Afrikaans / Engels)
- Stel jouself bekend
- Liggaamsdele – ideaal vir die Grondslagfase en vir kinders wat die Afrikaanse woordeskat moet aanleer.
- Flash Cards
- vorms (eenvoudige vorms om na te trek – met name) en ‘n pakket
- Klaskamerriglyne (reëls) en Riglyne vir die toiletroetine
- Maak jou eie kalender [kalenderwoorde, 1-31-syfers]
- Tik die besonderhede op ‘n skoon Word-dokument en druk dit op voorblaaie van jou keuse [90 opsies vir die kinders se boeke en sowat 30 opsies vir die opvoeders]
Voorspoed met die week en loer gerus weer in 😉
* soekterme soos:
- verjaarsdag,
- eerste dag,
- potloodgreep,
- handspier,
- perseptuele,
- knip,
- ABC skryf,
- skrif,
- skryf,
- ABC uitspraak,
- dubbelklank,
- tweeklank,
- drieklank,
- klanksamevloeiing,
- klanke,
- hersien,
- ABC,
- Engels,
- Bybel,
- breuke,
- hoe laat is dit,
- geld,
- wiskunde huiswerk,
- woordsom,
- veelvoude,
- maaltafels,
- uitdeel,
- deling,
- mondeling,
- redenaars,
- lees,
- nuwe leser,
- flits,
- sigwoord,
- tuis idees,
- omkering,
- oefen self,
- woordeinde,
- hulpmiddels,
- studiemetodes
Gereed vir 2017
Januarie 6, 2017
afrikaans gereed, hulpmiddels Lewer kommentaar
Via Afrikaanse Hulpmiddels vir die klaskamer
Dis die begin van ‘n nuwe skooljaar en daar is gewoonlik verskeie dae om tydens die skooljaar te vier. Loer gerus na die 2017 Kalenderpakket vir ‘n rekenaar én ‘n drukbare weergawe om te volg. Hierdie kopie sluit ook verjaarsdagkalenders (12 Bla
dsye) as ‘n ekstratjie in. Hierdie kalenderpakket is ook in Engels beskikbaar.
Indien jy ‘n veeltalige klaskamer het, kan jy ‘n drietalige een probeer (Engels, Afrikaans, isiXhosa).
Kleurvolle dagprogramtydsgleufflitskaarte kan gebruik word om aspekte soos buitespel, peuseltyd, besprekingskring, ens. aan te dui, maar sluit ook naam- en rakkaartjies in 11 temas in.
Kleurvolle klanke muurkaarte (ideaal vir die Grondslagfase-klaskamer) in Afrikaans en Engels, is as ‘n pakket beskikbaar.
Indien jy dit as skrif- of kleikaarte verkies, is daar kleurvolle kaarte in 
beide tale beskikbaar. Soortgelyke prente (bv. a is vir appel) is in ‘n meer gevorderde Klankhersieningsboekie (vir die enkelklanke én klinkerkombinasies) beskikbaar – in Engels en Afrikaans onderskeidelik.
Meer ontwikkelings- en hersieningstake is in die Dubbel-, Twee- en Drieklanke of Vowel Blends pakkette beskikbaar.
Die Enorme Klanke Mengelmoeskardoes dek die enkel-, dubbel-, twee- en drieklankgidse, asook kleurvolle geïllustreerde flitskaarte – ‘n bietjie meer as 400 bladsye in totaal.
My Klaskamer het ook woordelyste (woordeboeke vir beginners), sigwoordflitskaarte en oggendbundels vir Engelse én Afrikaanse leerders.
Wil julle graag op die visuele persepsies fokus? Loer gerus na die twee gidse in een pakket. Merk jy b/d-verwarrings? Loer gerus na hierdie werksvelle.
Vir skrifvelle, kan jy na die drukskrifvelle en lopende skrif velle loer. Die lopende skrif velle sluit ook 
muurkaarte (‘n letter per bladsy) in of fokus op natrekwerk.
Beginners, kan aanvanklik na syfers en hoeveelhede loer (bv. prente en getalname) en ‘n getalnaamgidsie gebruik in hul werk. Loer ook na kons
epte soos “meer en minder”, “voor en na”, “halvering en verdubbeling”, “ewe en onewe getalle”, geld, tyd (en tydwerksvelle), woordsomme, maaltafels (en veelvoude), maal- en deelsomme en breuke. Die meeste van hierdie dokumente is onderskeidelik in Engels en Afrikaans verkrygbaar.
Kom loer gerus by My Klaskamer vir ‘n verskeidenheid van ongeveer 160 produkte in.
Nuwe Jaar
Januarie 1, 2017
Kom loer gerus in en stuur ‘n kollega of ouers na My Klaskamer. Ek help graag 😉
pasella vir jou klaskamer
Desember 13, 2016
afrikaans, Graad R, klaskamer dagprogram, Graad R, hulpmiddels, kleuterskool, ladybird, lieweheersbesie, naamkaartjies, olifant, see, temas, uil, vissie, volstruis, voorblaaie, voorblad, voorskool 7 Kommentaar
Hiermee gratis hulpmiddels vir jou klaskamer. Verklein die naamkaartjievelle tot twee op ‘n A4-bladsy indien jy dit so verkies 😉
(tik besonderhede op ‘n skoon dokument en druk op die voorbladvelle)
liewenheersbesie-naamkaartjies
Tik gerus soekterme soos Hulpmiddels, Graad R, Graad 1, Eerste Dag, Naamkaartjies, Dekor, Teacha…by die bruin soekblokkie aan die regterkant in vir meer idees.
Klik hier vir opsies in Graad 1-skrif.
2017
Desember 4, 2016
Kersfees
November 18, 2016
afrikaans inkleur, kersfees, kerskaartjie, versierings, woordeskat, woordsoek Lewer kommentaar
- Kersfees-woordsoek
- Kersfees woordeskat
- Kersfees as tema
- Kersfees aktiwiteite en kunsvlyt idees
- Kaartjies om op ‘n lekkerding te plak.
- Kaartjies, vlaggies, versierings
- Verskeie versierings en kunsvlyt idees
- Kersfees Koeverte
- Doolhowe
- Inkleurwerk
- Versierings om met vetkryt in te kleur (druk hard) en dan in die venster te hang. Sny die ornamente uit en smeer kookolie met ‘n stukkie watte bo-oor die prent. Laat dit intrek en plak dit teen ‘n ruit om ‘n sonvanger te maak.
- Perseptuele take
- Christmas comprehension
- Patrone: Wat kom volgende?
- Grafiek (data)
- Tema Papier
© My Klaskamer - idees en gedagtes uit 'n juffrou se pen 
%201932.jpg){kind=link}
Woorde